Монголын хөнгөн атлетикийн холбоо

Монголын хөнгөн атлетикийн холбоо 1960 оны долдугаар сарын 19-нд анх байгуулагдаж  1991 онд Азийн хөнгөн атлетикийн холбооны гишүүнээр элссэн. Спортын “хатан хаан” гэгддэг хөнгөн атлетикийн спорт манай улсад түгэн дэлгэрсэн цагаас олон улсын тэмцээнд эрчимтэй оролцож, 2000 оноос зуны олимпийн наадамд манай тамирчид тогтмол оролцож байна Тус холбоо нь Монгол Улсад хөнгөн атлетикийн спортыг дэлгэрүүлэн хөгжүүлэх, материаллаг орчин нөхцөлийг дээшлүүлэх, сургалт-дасгалжуулалтын онол, арга зүйг боловсронгуй болгох, уралдаан, тэмцээний тогтолцоог боловсронгуй болгох зорилготой.
Монголын хөнгөн атлетикийн холбооны санал, хүсэлтийн дагуу Олон улсын хөнгөн атлетикийн холбоо /IAAF/-ны төслөөр 2018 онд олон улсын стандартад нийцсэн 400 метрийн тойрог бүхий хөнгөн атлетикийн зам, талбайг Налайх дүүрэгт барьж байгуулан ашиглалтад оруулаад байна.