Монголын Үндэсний морьт харвааны Холбоо

Нүүдэлчин Монгол түмний язгуур өв соёл, уламжлал болох Морьт харвааны спортыг өнөө цагт сэргээн хөгжүүлж, өвлүүлэн үлдээх мөн энэхүү өв уламжлалаар дамжуулан залуу хойч үеийн хүмүүжүүлэх, төлөвшүүлэх, тэдний гал эрмэлзэлийг төрүүлэх бий болгох, олон нийтийн эрүүл мэндэд эерэгээр нөлөөлөхүйц Үндэсний спорт болгон хөгжүүлж Монгол наадамын харвааны нэгэн төрөл болгох, Дэлхийн хүн төрөлхтөний өв соёлын төв болох ЮНЕСИКО-д бүртгүүлэх алс хараа, чиглэл бодлогыг баримтлан үйл ажиллагаагаа явуулхад Монголын Үндэсний Морьт Харвааны Холбооны үндсэн зорилго оршино. Монголын Үндэсний Морьт Харвааны Холбоог 2017 онд Б. Болдбаатар, П.Энхмөнх нар таван удирдах зөвлөлийн гишүүний хамтаар үүсгэн байгуулсан. Тус холбоо нь эртний Монгол өвөг дээдсийн харвах, намнах арга барилыг хөгжүүлэх, түгээн дэлгэрүүлэх тэрхүү аргачилаар сургалтаан явуулах Мөн археологын олдвор болон түүхэн зургуудад үлдсэн уламжлалт эртэч нум болон хоромсого, саадаг, агсарга бүс, дээл өмсгөлийг өнөө цагт хэрэглээнд нэвтрүүлэхэд үйл ажиллагаагаа чиглүүлнэ.

Манай холбоо нь 2018 онд Үндэсний спортын 6-р их наадмын хүрээнд зохион байгуулагдсан Морьт харвааны тэмцээнийг Хүй долоон худагт хамтран амжилттай зохион байгуулсан. Жил бүр УАШТ-г зохион байгуулж тамирчидын ур чадварыг ахиулсаар байна. Мөн Унгар, Турк, Малайз болон Казакстан улсуудад зохион байгуулагдсан ОУ-н болон Дэлхийн чансаа өндөр тэмцээнүүдэд тамирчдаа илгээж туршлага солилцон амжилтаан ахиулсаар байна. Тус холбоо нь Намнаа клуб /2019 он/, Хорчи Мэргэн клуб /2020 он/, Арулад морьт харвааны клуб /Хэнтий аймаг Батноров сум 2021/ онуудад үүсгэн байгуулж үйл ажиллагаагаа тэлсээр байна. 

Манай холбоо нь Морьт харваа болон Уламжлалт холч харвааны чиглэлээр элсэлт авж сургалт явуулдаг. Зуны цагт Чингис хааны хүрээ, Нисэх онгоцны буудлын өмнө байрлах сургалтын төв, Хүй долоон худаг, Тэрэлж, Гачуурт гэсэн газруудад сургалт явуулдаг. Сургалтад холбоо, клубээс нум сум, хоромсого, саадаг морьдоор хангаж өгнө. 7 хоногын бүх өдрүүдэд сургалт явагдана. Өглөө 09:00-11:30, өдөр 14:00-15:30, орой 17:00-19:00 гэсэн цагийн хувиаруудаар хичээллэнэ. Сургалтын төлбөр: Бүх суралцагчид эхний 10 хоногийн сургалтанд үнэ төлбөргүй хамрагдах боломжтой. 10 хоногоос хойш цааш суралцах хүсэл эрмэлзэлтэй элсэгчидээс 1 сарын 100,000 төгрөгний хураамж авна. Жич: Сургалтад 5-с дээш насны бүх хүмүүс хамрагдах боломжтой. Нас хүйс харгалзахгүй (5-70 хүртэлх насны хүмүүсийг морь унуулж, харвуулж сургана.)

Холбогдох утас: Монголын Үндэсний Морьт Харвааны Холбооны Үүсгэн байгуулагч Б. Болдбаатар 99887922; 80727922