Msports Энгийн гишүүн 10% Plus гишүүн  20%-ийн хөнгөлөлттэйгөөр бүх үйлчилгээг авах боломжтой.          

 

 

Энхсаран ХХК нь 2000 оноос эхлэн эмнэлэг, сувиллын чиглэлээр 20 гаруй жил үйл ажиллагааг явуулж ирсэн. Нийт 6000 мкв талбай бүхий 7 обьектэд жилд 9000 орчим үйлчлүүлэгчдэд тусламж үйлчилгээ үзүүлдэг. Тус компани нь 2023 оны 7 дугаар сараас үйл ажиллагааны чиглэлээ өөрчлөн  сэргээн засах төв, клиник эмнэлэг болон ажиллаж байна.

 

Сэргээн засах төвийн үйл ажиллагаа нь: 

 

    Энхсаран Сэргээн засах төв нь хэвтүүлэн эмлэх 90 оронд өрөө бүр нь дотроо 24 цагийн Voo-н IP TV,  хөргөгч, ариун цэврийн өрөө, халуун хүйтэн устай үйлчлүүлэгчийн тав тухыг хангасан орчин нөхцөлийг бүрдүүлэн үйлчилж байна. Сэргээн засах анагаах ухааны чиглэлээр мэргэшсэн тусламж, үйлчилгээг стандартын шаардлага хангасан, орчин үеийн дэвшилтэт тоног төхөөрөмж, багаж хэрэгсэл, технологи аргачлалыг ашиглан өвчин эмгэг, бэртэл гэмтлийн улмаас хүний биеийн бүтэц, үйл ажиллагаа, нийгмийн оролцооны байдал, чадвар алдагдлын улмаас үүссэн үр дагаврыг арилган амьдралын чанарыг дээшлүүлэхэд чиглэсэн сэргээн засах дагнасан тусламж, үйлчилгээг үзүүлж байна. Үүнд:

 

• Ахмадын, харвалтын дараах саа саажилт,
• үе мөч тулгуур эрхтний,
• эмэгтэйчүүдийн,
• гэмтэл бэртлийн  дараах сэргээн засах эмчилгээг цогцоор нь үзүүлэхээс  гадна
• ганцаарчилсан болон
• бүлгийн,
• урлагийн,  
• сэтгэл засал эмчилгээ, зөвлөгөөг өгдөг.

 

Энхсаран клиникийн амбулаторийн тусламж үйлчилгээ: 

 

Манай клиник нь эмнэлгийн мэргэшсэн тусламж үйлчилгээг мэдлэг, ур чадвартай, туршлагатай мэргэшсэн эмч, эмнэлгийн мэргэжилтнүүд үзүүлж байна. Дотор, мэдрэл, уламжлалт анагаах ухааны, сэргээн засах эмчилгээ,шүд, эмэгтэйчүүдийн, дуран оношилгоо, эмнэлзүйн лаборатори /клиник, биохими/,   рентген хэт авиа оношилгооны төрөлжсөн кабинетүүдтай.

 

Сүүлийн  үеийн  дэвшилтэт технологи бүхий хиймэл оюун ухаанд суурилсан рентген аппарат, 4D ЭХО, тархины судасны доплер, булчингийн цахилгаан бичлэг, үений ЭХО,  ходоодны уян дурангийн оношилгоо,  ясны сийрэгжилтийг тодорхойлох, клиник, биохимийн лабораторийн шинжилгээнүүдийг хийж байна.  

 

Мөн ЭМЯ-с хэрэгжүүлж буй иргэдийг зонхилон тохиолдох халдварт болон халдварт бус өвчлөлөөс урьдчилан сэргийлэх, өвчнийг эрт илрүүлэх зорилгоор зохион байгуулж байгаа  эрт илрүүлгийн үзлэг, оношилгоо, шинжилгээг иргэдэд чирэгдэлгүй, харьяалал харгалзалгүй, цагийн уян хатан зохицуулалттайгаар  хийж байна. 

 

Клиникийн хэвтэн эмчлүүлэх тасаг:

 

1. Хотын дуу чимээнээс хол байгалийн цэвэр агаарт  байрладаг
2. Хэвтэн эмчлүүлэх тохиолдолд нэмэлт үзлэг оношлогоо, шинжилгээг шаардахгүйгээр хэвтэн эмчлүүлэх хугацаандаа нарийн мэргэжлийн эмчийн үзлэг, шаардлагатай шинжилгээ, оношилогоог  нэг дороос авах боломжтой.
3. Хэвтэн эмчлүүлэх хугацаандаа гаднаас эргэлт авах шаардлагагүй, эмчилгээний хоолоор үйлчилдэг.
4. Үйлчлүүлэгчийн тав тухыг хангасан орчин нөхцөлийг бүрдүүлсэн,  өрөө бүр нь дотроо 24 цагийн Voo-н IP TV,  хөргөгч, ариун цэврийн өрөө, халуун хүйтэн устай. 

 

Үйлчлүүлэгч, эмчлүүлэгчдэд эрүүл аж төрөх зан үйл, дадал хэвшлийг төлөвшүүлэх Эрүүл мэндийн боловсрол олгох мэдээлэл, сургалт сурталчилгааг тогтмол явуулдаг.