Athletic Club vs Manchester United

Европа лигийн хагас шигшээ шатны эхний тоглолт Испанийн төлөөлөл Athletic Club өөрсдийн “San Mamés” цэнгэлдэхдээ Английн алдарч улаан чөтгөрүүд буюу Manchester United клубийг хүлээн авч тоглолоо.

Тоглолт дөнгөж эхлээд 5 дахь минут талбайн зочин багийн сөрөг довтолгоо Alejandro Garnacho гоол оруулсан ч шүүгч VAR-ийн тусламжтайгаар отон тоглолт гэж үзэн гоолийг тооцсонгүй. Тоглолтын 30 дахь минут талбайн зочин улаан чөтгөрүүдээс Harry Maguire баруун жигүүрээс төв рүү дамжуулалт өгч Manuel Ugarte толгойгоороо өгсөн дамжуулалт Casemiro гоол оруулан 0:1 болгов.

Улмаар түүний гоолоос ердөө 4 минутын дараа Rasmus Højlund дээр Dani Vivian алдаа гарган улаан картаар торгуулж эсрэг багтаа 11 метрийн торгуулийн цохилт бэлэглэв. Үүнийг нь Manchester United клубийн багийн ахлагч Bruno Fernandes цохиж гоол оруулан 0:2 болгон холдууллаа. Эхний хагас дуусахтай зэрэгцэн Manuel Ugarte-ийн өсгийлдөж өгсөн дамжуулалтаар багийн ахлагч Bruno Fernandes гоол оруулан 0:3 болгож Европа лигт 7 дахь гоолоо оруулав. Харин хоёрдугаар хагаст талбайн эзэд илүүтэй довтолж байсан ч үндсэн цаг дуусаж талбайн зочид Manchester United 0:3 харьцаатай ялалт байгуулснаар өөрсдөдөө маш том давуу эрхийг авч чадлаа.

Хариу тоглолт Монголын цагаар 5-р сарын 9-нд 03:00 цагаас Manchester United клубийн “Old Trafford” цэнгэлдэхэд болно.

Tottenham vs FK Bodø/Glimt

Европа лигийн хагас шигшээ шатны эхний тоглолт Хойд Лондонгийн Tottenham клуб өөрсдийн “Tottenham Hotspur Stadium” цэнгэлдэхдээ энэ улиралд онцгой сайн байгаа Норвегийн FK Bodø/Glimt клубийг хүлээн авч тоглолоо.

Тоглолт эхлээд эхний минут Richarlison-ий дамжуулалтаар Brennan Johnson гоол оруулж талбайн эзэд 1:0 болгов. Улмаар тоглолтын 34 дэх минут Pedro Porro-ийн дамжуулалтаар James Maddison гоол оруулж 2:0 болгон холдуулснаар эхний хагасыг талбайн эзэд болох Tottenham клуб илүүрхэж дуусгав. Хоёрдугаар хагас эхлээд 58 дах минут Cristian Romero дээр Fredrik Sjøvold алдаа гаргаж 11 метрийн торгуулийн цохилтыг шүүгч зааснаар талбайн эзэд улам холдуулах боломж олдов.

Улмаар торгуулийн цохилтыг Dominic Solanke цохиж гоол оруулснаар 3:0 болгов. Гэсэн ч талбайн зочид бууж өгөлгүй тэмцсэний эцэст Jeppe Kjær-ийн дамжуулалтаар Ulrik Saltnes гоол оруулж үндсэн цаг 3:1-ийн харьцаатай талбайн эзэд хожил байгууллаа.

Хариу тоглолт Монголын цагаар 5-р сарын 9-нд 03:00 цагаас fk bodø/glimt клубийн Aspmyra Stadion цэнгэлдэхэд болно.