FIBA буюу Олон улсын сагсан бөмбөгийн холбооноос зохион байгуулдаг Эмэгтэйчүүдийн Азийн аварга шалгаруулах тэмцээний B дивизонд манай эмэгтэй шигшээ баг амжилттай оролцож, өмнөх жилүүдэд байгаагүй түүхэн амжилт үзүүлэн 4-р байранд шалгарсан билээ. Тайландын шигшээ баг B хэсэгт нэгдүгээр байранд шалгарснаар манай шигшээ баг дараагийн удаа урьдчилсан шатнаас биш шууд B дивизонд оролцох эрхээ авсан баяртай үйл явдал тохиосон. Манай эмэгтэй шигшээ баг Азидаа ямар хүчтэй өрсөлдөөн үзүүлэх боломжтой гэдгийг баталсан гайхалтай тэмцээн болж өнгөрлөө. Манай тамирчид ч мөн адил ямар чадвартай, зорилготой, хүчтэй, бэлтгэлтэй байгаагаа талбай дээрх бүхий л үйлдлээрээ батлан харууллаа. Түүний нэг жишээ болох статистик үзүүлэлтээр энэхүү тэмцээнд оролцосон 8 багийн нийт тамирчдыг тэргүүлсэн онцлох үзүүлэлтүүдийг хүргэж байна.

Дундаж оноо авалтаар

26-т Б.Цацрал: 8.8 оноо

25-т Б.Болор-Эрдэнэ: 9 оноо

10-т Н.Нандинхүсэл: 12.8 оноо

7-т Б.Ариунцэцэг: 16 оноо

2-т Х.Онолбаатар: 17 оноо

Дундаж самбараар

43-т Н.Нандинхүсэл 3.2

40-т Б.Цацрал 3.3

9-т Б.Болор-Эрдэнэ 6.5

7-т О.Хулан 6.8

5-т Б.Ариунцэцэг 7.3

Дундаж дамжуулалтаар

48-т О.Хулан 1.2

37-т Ц.Болорцэцэг 1.8

22-т Б.Ариунцэцэг 2.7

21-т Б.Цацрал 2.7

13-т Б.Болор-Эдэнэ 3.3

3-т Н.Нандинхүсэл 4.7

Дундын зайн довтолгоо

6-т О.Хулан 6довтлохдоо, 3-г нь амжилттай болгож 50%тай довтолжээ.

4-т Б.Ариунцэцэг 10.8 довтлохдоо, 5.7-г нь амжилттай болгож, 52.3%-тай довтолжээ.

Алсын зайн шидэлтээр

11-т О.Хулан 7.2 довтлохдоо 3-г нь амжилттай болгож, 41.9%-тай

8-т Б.Цацрал 3.5 довтлохдоо, 1.5-г нь амжилттай болгож, 42.9%-тай довтолжээ.

Бүх тоглогчдыг оноо авалтаар тэргүүлсэн тоглогчдод

18-т Б.Цацрал нийт 6 тоглолтод оролцож, 53 оноо

17-т Б.Болор-Эрдэнэ нийт 6 тоглолтод оролцож, 54 оноо

7-т Н.Нандинхүсэл нийт 6 тоглолтод оролцож, 77 оноо

3-т Б.Ариунцэцэг нийт 6 тоглолтод оролцож, 96 оноо

2-т О.Хулан нийт 6 тоглолтод оролцож, 102 оноо авч тус тус тэргүүлжээ.

Ийнхүү манай эмэгтэй шигшээ баг “FIBA Women's Asia Cup 2025 Division B”-д тун амжилттай оролцож, шилдэг дөрвөн багийн нэрлэгдлээ. Ирэх жилүүдийн олон тэмцээнүүдэд илүү амжилттай оролцоно гэдгээ баталж чадсан гайхалтай тоглолтууд болж өнгөрлөө. Сагсан бөмбөгийн эмэгтэй шигшээ багтаа амжилт хүсье!