"Tokyo 2020 Olympic Games Side A" нэртэй киног "Каннын сонгодог сонгон шалгаруулалт"-ын нэг хэсэг болгон Festivals and des Congrès ордонд үзүүлжээ. Энэхүү үзүүлбэрт Канадын сагсан бөмбөгчин Ким Гаучер оролцсон бөгөөд тэрбээр өнгөрсөн жил шинэ төрсөн нярай Софи охиноо өөртэй нь хамт Токио руу авч явахыг Олимпын хоригийн эсрэг давж заалдсан билээ. Гаучер өөрийн хүүхэд болон нөхөр Бен хоёрын хамт улаан хивсний ёслолд оролцох үеэрээ "Кино нь мэргэжлийн эмэгтэй тамирчин, бага насны хүүхэдтэй ээж байхын тэнцвэрт байдалд байгаа бэрхшээлийг харуулсанд би баяртай байна" гэж хэлжээ.
Уг киног Японы нэрт найруулагч Наоми Кавасэ найруулсан байна "Ким Гаучер шиг олимпын тамирчин ээжүүд байдаг, тэд өөрсдийн спортын хамгийн өндөр түвшинд өрсөлдөж, мөн ээж байхын зэрэгцээ тэнцвэртэй байдлыг хангадаг. "Би эдгээр эмэгтэйчүүдийн тэсвэр тэвчээр, ач ивээлээс хүч чадлыг олж, эдгээр эхчүүд болон тэдний нялх хүүхдүүдийн хоорондын холбоог харуулсан киног хийх гэж зорьсон” гэж Кавасэ хэлэв. Киног Киношита групп, Токио 2020 хамтран Олимпын соёл, өвийн сантай хамтран бүтээжээ. Энэхүү арга хэмжээнд оролцохоор Канныг зорьсон Дэвид Хаджадж анхны хөгжмийн зохиолыг зохиосон байна.
Олимпын соёл, өвийн сангийн захирал Ясмин Мейхтри "Бидэнд кино хэрэгтэй байна, наад зах нь Риогоос хойш бид кино ямар байх ёстойг, мөн энэ нь уран сайхны үзэмж, хувийн мэдрэмжтэй кино, уран бүтээлчийн үзэл бодол, наадам гэж юу болох талаар уран бүтээлчийн мэдрэмж байх ёстой гэдгийг дахин тодорхойлж эхэлсэн. Энэ нь Олимпын наадмыг Олимпын үзэл санааг үзэгчдэд хүргэхэд тусалж байгаа бөгөөд энэ нь наадамтай холбоотой байх албагүй. Тиймээс бид кинонд нэмэлт үнэ цэнийг өгөхийн тулд өөрөөр хийх хэрэгтэй" гэж хэлсэн байна. Зураг авалт нь тахал өвчнөөс өмнө эхэлсэн байна. Хоёр дахь кино болох "B Side" киноны пост продакшн Японд үргэлжилсээр байна. Энэ нь ажилтнууд болон сайн дурынхны нүдээр Наадмын түүхийг голчлон харуулах болно. Тэрхүү хоёр дахь кино нь 6-р сарын сүүлээр Японд нээлтээ хийхээр төлөвлөж байна. Энэ долоо хоногт Каннын 50 жилийн ойд зориулан 1972 оны Мюнхений Олимпын наадмын албан ёсны кино болох "Visions of eight" киног мөн үзүүлсэн байна.
Н.Бэлгүүн
