Голден Стэйт Уарриорс багийн хамгаалагч Мосес Муди багтайгаа дахин гурван жилийн 39 сая долларын гэрээний сунгалт хийхээр болсон хэмээн Klutch Sports-ын гүйцэтгэх захирал Рич Пол мэдээлжээ.

2021 онд драфтын 14 дэх сонголтоор Уарриорс багтай нэгдсэн Мүүди улирлын эхэнд багтайгаа гэрээ сунгаснаар Уарриорстой дахин гурван жил аяллаа үргэлжлүүлэхээр. Мүүди зуны бэлтгэлийн үеэр Стив Керрийн хувьд гол, найдвартай сэлгээний тоглогч гэдгээ батлан харуулсан ба энэ жилийн бүрэлдэхүүнд томоохон үүрэг гүйцэтгэнэ хэмээн арын алба найдаж байна гэнэ.

Өнгөрсөн улиралд Мүүди 66 тоглолтод оролцохдоо нэг тоглолтод 17.5 минут дунджилсан. Мөн 8 оноо дунджилж, замналынхаа хамгийн өндөр хугацаа, самбараас бөмбөг авалт, бөмбөг таслалт, хаалтыг гүйцэтгэсэн юм.

Өнгөрсөн улирлын төгсгөлд Керр Мүүдид алсын зайн шидэлтийн оролдлого илүү их хийх орон зайг өгсөн. Үүний үр дүнд Мүүди улирлын өмнөх тоглолтуудад 20 минутад 15.5 оноо дунджилсан бөгөөд гурван тоглолтын гараанд сонгогдсон билээ.

Стив Керр түүний талаар “Тэр гайхалтай тоглож байна. Энэ зун тэр олон талаараа маш их сайжирсан. Бид түүний зан авир ажилдаа хандаж байгаа сэтгэлд нь бид үргэлж дуртай байсан. Энэ боломжийг тэр өөртөө итгэлтэйгээр ашиглана гэж найдаж байна” гэжээ.