Сингапур улсад зохиогдож буй сагсан бөмбөгийн 3х3-ийн Ази тивийн аварга шалгаруулах найм дахь удаагийн тэмцээний хэсгийн шатны тоглолтууд өндөрлөлөө.
А хэсэгт хуваагдсан манай эрэгтэй шигшээ баг өнөөдөр хэсгийн хоёр тоглолт хийсэн ба эхний тоглолт эзэн орон Сингапурыг 21-10 харьцаатай илт давуу ялалт байгуулсан.
Харин хоёр дахь тоглолт өнөөдрийн хамгийн сүүлийн тоглолт байсан бас Хонг Конгын багтай тоглосон юм. Тоглолтын эхнээс манай шигшээ тоглолтыг гартаа авч, тэргүүлэн эхэлсэн ба эсрэг багт боломж олголгүй 22-8 харьцаатай буулган авлаа.
Ийнхүү эрэгтэй шигшээ баг A хэсгийг тэргүүлсэн ба маргааш B хэсгийн хоёрдугаар байраар шалгарсан хуучны өрсөлдөгч Австралийн шигшээ багтай 14:20 цагаас тоглоно.
Нийт баг тамирчдадаа амжилт хүсье!
