8 сарын 4
330,0000 долларын шагналын сантай "Blast Open Fall 2025" тэмцээнд оролцох эрхийн төлөөх "BLAST ASIA RISINGS ULAANBAATAR" тэмцээн 08-р сарын 1-3-ний өдрүүдэд Улаанбаатар хотноо М Банк Аренад амжилттай болж өндөрлөлөө.
Бүх тоглолт Best of 3 журмаар явагдсан ба 08-р сарын 01-нд шөвгийн наймын тоглолтууд үзэгчгүй болж, 08-р сарын 03-нд хагас шигшээ болон Гранд Финалын төлөөх тоглолтууд
М Банк Аренад үзэгчдийн дунд амжилттай зохиогдож дууслаа.
"BLAST ASIA RISINGS ULAANBAATAR" тэмцээний аваргаар erkaSt-аар удирдуулсан Австрали улсын шилдэг баг FlyQuest тодорлоо. Ингэснээр тэд 2025 оны 9-р сард Их Британийн Лондон хотноо зохиогдох “BLAST Open Fall 2025” тэмцээнд оролцох эрхийг өөрсдийн болгож чадлаа.
Тэд Гранд финалд Монгол улсыг төлөөлөн оролцсон “The Huns Esports” багтай тааран тоглож эхний тоглолт “ANCEINT map” дээр 13:6, дараагийн тоглолт нь “INFERNO map” дээр 13:10 хожиж ялалт байгуулсан юм.
Мөн М Банк Аренад хүрэлцэн ирсэн үзэгчдийн хүсэн хүлээсэн арга хэмжээ бол CELEBRITY MATCH байлаа. TEAM GREMIX болон TEAM BAAGII-гаар удирдуулсан хоёр баг DUST2 map дээр галзуу ганц тоглолтыг хийсэн. Ингэснээр 13:2 гэсэн харьцаатай TEAM GREMIX баг ялалт байгуулсан.
