Английн нэр хүндтэй клубүүдийн нэг болох Aston Villa Европын хөлбөмбөгийн түүхэнд өөрсдийн нэрийг дахин тодотгож байна.
1981/82 оны улиралд тухайн үеийн нэрээр “Европын цом” (одоогийн УЕФА Аваргуудын Лиг)-ын аваргын цомыг өргөж байсан түүхтэй. Энэ нь одоог хүртэл тэдний Европын хамгийн том амжилт хэвээр байна.
Тэрхүү улиралд тэд Германы Bayern Munich-г шигшээ тоглолтод 1:0 харьцаагаар хожиж, тухайн үеийн Английн клубүүдийн Европын тавцан дах аваргын цувралыг үргэлжлүүлж чадсан юм.
Тэр цагаас хойш 43 жилийн дараа
Түүхэн амжилтаас хойш олон арван жил өнгөрсөн ч Aston Villa клуб 2024/25 оны улиралд Аваргуудын Лигт дахин хүчтэй эргэн ирлээ. Энэ улиралд тэд шөвгийн наймд шалгарч, сүүлийн 40 гаруй жилийн хугацаанд Европын дээд түвшинд гаргасан хамгийн том амжилтаа үзүүлж байна.
Тэд шөвгийн наймд Францын хүчирхэг клуб болох Paris Saint-Germain клубтэй учраа таарч, Европын хөлбөмбөгийн гол анхаарлын төвд дахин орлоо. Энэ нь зөвхөн Villa Park дахь хөгжөөн дэмжигчдэд төдийгүй Английн хөлбөмбөгийн уламжлал, нэр хүндийг эргэн сануулах боломж олдсон явдал болсон.
Энэ улирал бол Aston Villa-д зөвхөн амжилт үзүүлэхээс гадна, түүхийн хуудаснаа дахин нэрээ дурдсан улирал болж байна.
