АНУ, Канад улсууд 2022 оны Бээжингийн өвлийн олимп, паралимпийн наадамд оролцох шайбтай хоккейн шигшээ багийн өмсгөлөө танилцуулав. Хуучин өрсөлдөгчид хоёулаа Хятадын нийслэлд эрэгтэй, эмэгтэй шигшээ болон пара багууд өмсөх гурван шинэ “Nike” иж бүрдлийг танилцууллаа.
Nike Swift технологийг ашиглан өмсгөл нь хөдөлгөөнийг сайжруулж, хүчтэй өрсөлдөөний үеэр уян хатан байдлыг багасгахаас зайлсхийхээр бүтээжээ.
Талбайн болон зочны өмсгөлийн цээж, гарыг тойрсон улаан, цагаан, судалтай оддын дунд нарийн ширхэгтэй туузыг Америкийн туг далбаа болгон чимсэн бол орлуулах өмсгөлийн биеийг тойруулан гүн цэнхэр давхар судлыг оруулсан байна.

 Канадын олимп болон паралимпийн өмсгөл нь уламжлалт улаан, цагаан өнгөтэй, мөн хар өнгөтэй, агч модны навчийг харуулдаг.
"Олимп, паралимпийн наадамд эх орноо төлөөлөн дэлхийн хамгийн том дэвжээнд оролцохоос илүү нэр төрийн хэрэг спортод байхгүй. Манай эрэгтэй, эмэгтэй, пара хоккейн шигшээ багийн тамирчид Канадын хоккейг дүрсэлсэн эдгээр гурван өмсгөлийг өмсөж байгаадаа баяртай байна" гэж Канадын хоккейн холбооны ерөнхийлөгч хэлжээ.
"Манай хоккейн багууд нэг зорилго бүхий нэг баг болж, алтан медалийг эргүүлэн авчирахаа Бээжинг зорино. Манай тамирчид, ажилтнууд, хоккей сонирхогчид эдгээр өмсгөлийг асар их бахархалтайгаар өмсөнө гэдгийг бид мэдэж байна гэж тэрбээр нэмж хэлэв.
Дэлхийд чансаагаараа №1-т эрэмблэгдэж буй Канадын хоккейн эрэгтэй шигшээ багийн өвлийн олимпийн алтан медалийн буухиа 4 жилийн өмнө Өмнөд Солонгост тасарч, тэд хүрэл медалийг энгэртээ зүүсэн.