Зүүн Азийн Волейболын эмэгтэйчүүдийн Аварга шалгаруулах тэмцээн 08-р сарын 26-наас 31-ний хооронд Хятадын Хонг Конг улсад зохион байгуулагдаж байгаа билээ.

Манай шигшээ баг тэмцээний А хэсэгт багтсан бөгөөд эхний тоглолтоо Хятадын Тайваны шигшээ багтай хийж 0:3 харьцаатай хожигдсон бөгөөд хэсгийн хоёр дахь тоглолтоо талбайн эзэн Хятадын Хонг Конгын шигшээ багтай хийж 2:3 харьцаатай хожигдол хүлээж шагналт 5-р байрны төлөө В хэсгийн сүүлчийн байрт бичигдсэн Макао улсын шигшээ багтай тоглохоор боллоо.

Манай шигшээ баг өнгөрсөн жил зүүн азийн волейболын эмэгтэйчүүдийн АШТ-д 7-р байрны төлөө Макао улсын шигшээ багтай тоглож 3:1 харьцаатай хожиж байсан бөгөөд тус тоглолтод манай шигшээ багаас Г.Саруулгэрэл 19 оноо авч багаа тэргүүлж байсан. Мөн Ж.Баянжаргал 17 оноо, Г.Хандсүрэн 13 оноо авч байсан байна. 

Манай шигшээ баг маргааш 14:30 цагаас 5-р байрны төлөөх тоглолтоо хийнэ.