Ням гарагт Шарлотт Хорнетс баг Милаукий Баксийг 115:114-өөр хожсон. Уг тоглолтын дараа багийн холбогч Ламело Болл сэтгүүлчдэд өгсөн ярилцлагадаа доромжилсон утга бүхий үгс хэрэглэснийхээ төлөө 100,000 ам.доллароор торгуулсан байна.

Тоглолтын төгсгөлд Болл бөмбөг эзэмших үедээ өөрөө халтирч, тэр нь Яннис Антетокоунпогийн алдаа болж хувирсан нь тоглолтыг эргүүлэх том үлээлт болж хувирсан. Яннис алдаа гаргасан гэж үлээх ёсгүй байсан гэдгийг тэмцээний дараа албаны хүмүүс хүлээн зөвшөөрсөн байна.

ЛаМело Болл өөрөө халтирсан ч Бакс-д ямар ч чэллэнж үлдээгүй. Энэ бол арын албаны буруутай үйлдэл хэмээн мэргэжилтнүүд үзсэн байна. Шүүгчдийн багийн ахлагч Кертис Блэйр сэтгүүлчдэд хэлэхдээ "Шууд тоглолтын үеэр бид хөл нь хөлөнд хүрсэн алдаа гэж үзсэн. Харин тоглолтын дараах шалгалтын үеэр бид үзэхэд алдаа үлээх зүйл байгаагүйг олж мэдсэн” хэмээн буруугаа хүлээжээ. Ямартай ч уг тоглолтын дараа шүүгчид буруугаа хүлээсэн бол тухайн үед амнаасаа болсон Болл 100.000 доллароор торгуулаад өнгөрч байна.