Цахим спортын Counter Strike 2 төрлийн A зэрэглэлийн Thunderpick World Championship 2024” тэмцээн Герман улсын Берлин хотын “LVL DOM Arena”-д амжилттай зохиогдож өндөрлөлөө. Тус тэмцээнд урилгаар оролцсон манай улсын The Mongolz баг дэлхийн шилдэг 16 багтай өрсөлдөж, аваргын цом өргөжээ.

Blitz буюу Б.Гарьдмагнай ахлагчтай, maaRaa буюу Б.Эрдэнэдалай дасгалжуулагчаар удирдуулсан The Mongolz баг B хэсгээ тэргүүлж, хасагдах шатанд 3DMAX багийг 2-0 харьцаатай буулган авсан.

Улмаар аваргын төлөө Норвег улсын “HERIOC” багийн эсрэг өчигдөр шөнө учраар таарлаа. Best of 5 буюу түрүүлж 3 хожих дүрэмтэй тоглолтын эхний map-д Dust2 /13:8/, Anubis /13:11/, Mirage /13:2/ харьцаатайгаар тус тус хожсон бол Ancient-д /13:6/-аар ялагдаж үндсэн тоглолтод 3-1-ээр ялалт байгуулан Дэлхийн томоохон тэмцээний аваргаар шалгарсан бахдам амжилт үзүүллээ.

Ийнхүү манай улсын баг тэмцээний аваргын шагнал 500,000 долларын эзэд болж эх орондоо ирэхээр боллоо. Сонирхуулахад арван нэгдүгээр сарын 11-13-нд энэ оны Дэлхийн аварга шалгаруулах тэмцээний урьдчилсан шатанд тоглохоор Хятадын Шанхай хотыг тун удахгүй зорино.