Жюү жицүгийн эрэгтэйчүүдийн 77 кг-ын жинд өрсөлдсөн М.Даваадорж хагас шигшээ шатанд Сингапурын тамирчинг өчих мэхээр ялж, хүрэл медаль хүртлээ. "Гаруда" академи, "G Mobile" ХХК, "Цагаан уулын магнет ХХК, "Almighty clinic", "New care clinic"-ийн тамирчин М.Даваадорж эхний шатанд Кувайтын бөхийг 2-0 оноогоор ялж, шигшээ 16-д Туркменистаны бөхийг 2-0 харьцаатайгаар ялан шигшээ наймд шалгарсан боловч хагас шигшээд шалгарахын төлөө БНСУ-ын тамирчин Коо Бунчолд 0-2 харьцаатай ялагдан дагах барилдаанд шилжиж Узбекистаны тамирчинг идэвхийн оноогоор ялан хүрэл медалийн төлөө Сингапурыг буулган авлаа. Энэхүү медаль 19 дэх удаагийн Азийн наадмын жюү жицүгийн төрлийн Монголын анхны медаль боллоо.