MVP Никола Иокич трипл дабл буюу гурван аравт хийсэн тоогоороо Лос Анжелесийн домог Мэжик Жонсонг гүйцэж бүх цаг үеийн 3-р байранд орж ирлээ. Хувь тохиол ч гэх үү Иокич 2017 оны 6-р сарын 23-нд Кливленд Кавальерс багийн эсрэг хийсэн тоглолтод анхны трипл даблаа хийсэн бол өнөөдөр мөн адил тус багтай хийсэн тоглолтод 27 оноо, 20 самбар, 11 дамжуулалттайгаар замналынхаа 139 дэх трипл даблийг өөрийн нэр дээр бүртгүүллээ. Хэдийгээр баг нь Дорнод бүсийг тэргүүлэгч Кавальерст 126-114 харьцаатай хожигдсон ч гайхалтай Иокич 27 оноо, 20 самбар гэсэн гайхалтай тоглолт үзүүлсэн юм.

Тоглолт эхлэхээс өмнө Иокич, Мэжик Жонсон нар 138 трипл даблтай тэнцэж байсан бол ийнхүү нэг шат ахиж бүх цаг үеийн гуравдугаар байранд орж ирлээ. Тэрбээр одоо 44 трипль дабл гүйцэтгэхэд алдрын танхимын гишүүн Оскар Робертсонг гүйцэх бол 200 гаруй трипл даблд хүрэхэд одоогийн багийн анд Рассел Уэстбрүүкийг гүйцэж бүх цаг үеийн нэгдүгээр байранд бичигдэх нь ээ.

Яг одоо НБА-д идэвхтэй тоглож байгаа тоглогчдоос дээр дурдсанчлан Рассел Уэстбрүүк 200 трипл даблтай Бүх цаг үед тэргүүлж байгаа бол трипл даблаа ахиулсаар байгаа Леброн Жэймс 118 удаа хийснээр 5-р байранд, өнөө цагийн лигийн нүүр царай болж буй Лука Дончич 78 /7-р байр/, Жэймс Харден 78 /8-р байр/, Домантас Сабонис 62 /10-р байр/, Яннис Антетокоунмпо 48 /12/-р байруудад тус тус бичигдэж байна.