Бид NBA-н гайхалтай улирлуудын нэгийг гэрчилж байна. Гэхдээ баг болгоны хувьд тийм биш байгаа бололтой. Тэр нь мэдээж Лигийн адагт яваа ердөө 2 хожил байгуулж 17 удаа шүүрдүүлээд буй Нийслэл хотын баг Уашингтон Уизардс.

Энэ улиралд тэдний эсрэг өрсөлдөж буй багуудын дундаж үзүүлэлтүүдийг дурдвал:

• Тэдний эсрэг багуудын ялах магадлал 89.5% байна.
• Ялах ялахдаа дунджаар +15 онооны зөрүүтэй буюу ямар ч өрсөлдөөн үзүүлээгүй
• Хэрэв тэдний эсрэг багуудын дундажлаж буй үзүүлэлтүүд нэг дан багийн үзүүлэлт байсан бол:
• 122.8 оноог нэг тоглолтод дундажлаж (түрүү жилийн аварга Бостон Селтиксийн ард орох дундаж оноо авалт 123.2)
• 26.4 чөлөөт шидэлтийг гүйцэтгэх байж.

Товчхондоо тэдний эсрэг багууд зоргоороо оноог авч, хүссэнээрээ торгуулийн шугамын ард зогсож байна гэсэн үг.

Карма гэж байдаг нь үнэн гэдгийг нотлоход дэндүү амархан нэг зүйл байна.

Кайл Кузма түрүү улиралд Детроит Пистонсыг 28 дараалж ялагдан NBA-н рекордыг тогтооход өөрийн твиттер хаягтаа “at this point its like “don’t be that team”” буюу ийм баг лав болохгүй, энэ багт лав биш гэсэн утгатай үгийг жиргэж байв.

Харин яг одоо Кузмагийн баг 2-17 амжилттай Лигийн адагт, дээр нь тэдэн шиг сиймхий хамгаалалттай баг урьд хойчид бүртгэгдэж байгаагүй байна.