Ази тивээс анх удаа Мажорт шалгарсан The Mongolz баг шөвгийн наймын анхны тоглолтоо 14:00 цагаас 2 дахь роундад учраа тааран хожил байгуулан Германы MOUZ багтай Шанхай хотноо тоглоно. Энэ удаагийн Шанхай Мажор The Mongolz багийн чадвар чансааг Дэлхийд таниулсан гайхалтай тоглолтуудаар дүүрэн болж, үргэлжилж байна. The Mongolz баг Шанхай Мажорт аварга болох хамгийн өндөр магадлалтай баг хэмээн СS2-ийн Дэлхийн олон аналист, шинжээчид үзэж байгаагаас харахад Ази тив тэр дундаа Монголоос анхны Мажорын аварга төрөх итгэл найдварыг олон мянган хөгжөөн дэмжигчид хүлээж буй. Нийт 1.2 сая долларын шагналын сантай тус тэмцээн энэ сарын 15-ыг хүртэл үргэлжилнэ.

Тэднийг энэ удаагийн Мажорт шилдэг байгааг илтгэх амжилтууд: 

• The Mongolz эхний шат болон хасагдах шатанд Дэлхийн чансаанд 1, 6, 8-т бичигдэж байсан шилдэг багуудыг хожсон.
• Тэд эхний шат болон хасагдах шатанд шөвгийн наймд нэг ч хожигдол амсалгүй шалгарсан.
• Тэд гурван тоглолт хийхдээ нийт 5 map дээр тоглосон ба ердөө ганцхан map HEROIC багт алдсан.
• 2022 оноос хойш 5 дахь удаагаа CS2-ийн Дэлхийн аварга гэгдэх Мажорт шалгарч байна.
• Тус тэмцээнд оролцож байгаа хамгийн залуу буюу дундаж нас 20.2 /Ирээдүй ч гэрэлтэй байна даа/
• Mzinho буюу Б.Аюуш тус тэмцээний хамгийн залуу тоглогч /17 настай/
• Дэлхийн чансааны 5 д бичигдсэн анхны Ази баг, Азийн номер 1 баг
• HLTV-д 9-р байраас 7-руу орсон
• Valve-д 5-р байранд
• Мөн сүүлийн оролцсон тэмцээнүүддээ 12 дараалан хожсон амжилттай явна.
• Энэ жилийн оролцсон тэмцээнээс одоогоор $885,000 /Дэлхийд 3-т/

Тус багын бүрэлдэхүүн нь хэд хэд солигдож байснаас гадна Chekmate, IHC гэх байгууллагуудаар дамжин өдгөө The MongolZ болсон юм.

Багийн бүрэлдэхүүн:

Өнөөдрийн тоглолт Perfect World Shanghai Major 2024 тэмцээний шигшээ наймд BO3 журмаар тоглох ба хоёр map хожвол хагас шигшээд шалгарна, хожигдвол тэмцээнээс хасагдах юм.

The Mongolz багтаа амжилт хүсье!