Цахим спортын CS2 төрлийн Дэлхийн чансааг тогтоодог Valve -ын зүгээс 02-р сарын 25-ны байдлаарх Дэлхий болон бүсийн чансааг шинэчлэн гаргалаа.

Valve-ийн зүгээс VRS-ыг бодох шинэ аргачлалаа танилцуулсан ба үүнд:

- Тэмцээн бүрэн дуусаагүй бол бүх тоглолтуудыг VRS-н тооцоололд оруулахгүй.

- Багууд forfeit хожигдол өгсөн тохиолдолд өмнө нь оноонд нөлөөлдөггүй байсан бол одоо хожигдсон гэдгээр тооцно.

- VRS оноогоо гаргуулахын тулд багууд өмнө нь 10 тоглолт хийсэн байх ёстой байдаг байсан бол энэ нь 5 болж буурсан.

- Багуудын шагналын санг тооцохдоо club share буюу байгууллага нь авдаг мөнгөн дүнг нэмэлтээр оруулдаг болсон.

Дээрх аргачлалаар өнөөдөр гарсан Valve-ын Азийн бүст тэргүүлэгчдийг танилцуулж байна.

 ESL Challenger League S49-с оноо цуглуулаад байсан Nomads, QUBE баг жагсаалтаас хасагдаж харин өнгөрсөн оны MESA Asia Series тэмцээнд 5 тоглолт хийгээд амжсан Eruption баг жагсаалтад шинээр орж ирлээ.

Мөн ESL Challenger League S49-с нэлээн оноо цуглуулаад байсан LVG,  TYLOO,  Rare Atom багууд ч мөн адил оноогоо алдсан байна.