Бодибилдинг, фитнессийн спортоор анх 2008 оноос хичээллэсэн. 2009 оноос эхний тэмцээнд орж байлаа. 5 настайгаасаа спортоор хичээллэж, уран сайхны гимнастикийн спортын мастер, аэробик гимнастикийн ОУХМ зэрэг цолыг авсан байсан. Тайхар клубт анх аэробикийн багшаар ажиллаж байх үед фитнессийн тэмцээн болдог, чи бие чинь бэлэн шууд тэмцээнд орох боломжтой юм байна гэж Тайхар клубийн бодибилдинг, фитнессийн ах нар маань хэлж байсан. Бэлтгэл хийгээд анхны тэмцээнд орж, энэ спортод татагдах болсон. Татагдсан шалтгаан гэвэл багаасаа спортоор хичээллэсэн хүмүүс спортод залуугаараа зодог тайлдаг. Спортоор сууриа тавьсан хүмүүс ямар ч спорт руу хөрвөх боломжтой байдаг. Тэр ч утгаараа аэробикээр багшилж байхад дэргэд фитнесс байсан учраас илүү холбогдож, дуртай болсон.
