Хөдөлмөр хүнийг бүтээдэг гэсэн үгний тод жишээ бол Орландо Мэжик багийн гарааны төвийн тоглогч Гога Битадзе.

Одоогоос таван жилийн өмнө буюу 2019 онд NBA-д драфтаар сонгогдох боломжтой тамирчдын хэвлэлийн хурал болж байх үед доорх зураг олон нийтэд түгж газар авч байв. 

Бүх сурвалжлагчид 2019 оны драфтын тэргүүн сонголт болох хамгийн өндөр магадлалтай Зион Уиллиамсон дээр шавж харин хажууханд нь суух Гүржийн тамирчин Гога Битадзе дээр нэг ч сурвалжлагч очоогүй байв. Энэ зургийг харсан Дрэймонд Грийн, Дуэйн Уэйд нар түүнд хандан “Чамд өөрийгөө улам хурцлах боломж гарч ирж байна” гэж байлаа. 

Драфтын үеэр мань эр 18 дахь сонголтоор Индиана Пейсерс багт драфтлагдсан ч гурван жил гарангын дараа 2023 онд түүнийг багаас хасаж байв.

Мэдээж Зион бэртэлгүй эрүүл

саруул тогловол тэр Бүх-Одод тоглогч маргаангүй мөн. Харамсалтай нь түүнийг NBA-д хөл тавьснаас хойш бэртэл гэмтэл салаагүй ба боломжит тоглолтынхоо ердөө 47%-д нь л оролцож байж ээ. 

Харин дээрх зургаас хойш 5 жилийн дараа буюу 2024-2025 улиралд Гога Битадзе хэрхэн тоглож байгаа вэ?

• 8.9 оноо (career-high)
• 7.6 самбар (career-high)
• 1.5 хаалт (career high)

Гэсэн үзүүлэлтийг дундажлаж 17-10 гэсэн амжилттайгаар Дорнод бүсийн гурав дугаар байранд яваа Орландо Межик багийн хамгаалалтын гол ноён нуруу нь болж гарааны төвийн байрлалд 35+ минутыг тогтмол тоглож байна.

Паоло Банкеро, Франц Вагнергүй үед бүр багаа манлайлж 21 оноо, 16 самбар авч Финикс Сансыг талбай дээрээ хожсон билээ.

Мөн тэрээр сүүлийн 7 тоглолтын хугацаанд: 11.3 оноо, 10.0 самбар, 1.1 таслалт, 1.9 хаалт хийж байна.

Ямар ч багийн эзэн 100% эрүүл саруул хэзээ ч тоглож чаддаггүй ОД багтаа байлгаснаас Гога шиг хамгаалалт сайтай үдэш бүр хийх ёстой зүйлээ ягштал хийгээд суудаг үүргийн тоглогчийг илүүд үзэх биз ээ…