NBA-ийн финалын тоглолтод үргэлжлэн явагдаж байна. Цувралын хоёр дахь тоглолтын үеэр Бостон Селтикс багийн төвийн тоглогч Кристапс Порзингис зүүн хөлийн шилбэний арын шөрмөс сунах боломжтой торлог бүрхэвч тасарсан гэсэн бэртэл авсан байна. 

Өнөөдөр зарласан мэдэгдэлд энэхүү бэртэл нь “Маш ховор гэмтэл" хэмээн эмчийн баг тодорхойлжээ. Түүний финалын үлдсэн тоглолтод оролцох эсэх нь тухайн өдөр шийдэгдэнэ гэж өмнө нь мэдэгдэж байсан бол энэ удаа байдал хүндрэх төлөвтэй байна. Өнөөдрийн байдлаар Бостон Селтикс баг Даллас Мавериксийг цувралд 2:0 харьцаатай тэргүүлж байгаа. Маргааш Даллас Маверикс багийн талбайд зочлон тоглоно. 

Харин энэ талаар Порзингис "Би сэтгэл санаагаар унаагүй, өөдрөг байна. Миний хэлсэнчлэн, би маргааш тэнд байхын тулд чадах бүхнээ хийх болно. Намайг тоглохыг хориглохгүй л бол өөр намайг юу ч зогсоохгүй” гэжээ. Түүний гэмтэл хоёр дахь тоглолтын 3-р үеийн 3:27 секундэд тохиолдсон Маверикс багийн төвийн тоглогч Дерек Лайвлитэй мөргөлдсөнөөр үүссэн юм. 

Бостон Селтикс багийн ахлах дасгалжуулагч Жо Маззулла "Тэр маргааш болох тоглолтод бэлэн байхын тулд чадах бүхнээ хийж байгаа. Гэхдээ энэ бол ноцтой гэмтэл. Эцсийн эцэст манай баг болон эмч нарын баг түүнийг ямар ч муу нөхцөл байдалд оруулахгүй. Эмчийн дүгнэлт юу гэж гарахаас шалтгаалж түүнийг тоглуулах эсэхийг шийдэх болно” гэжээ.