Монгол улсын нийслэл Улаанбаатар хотноо 3х3 сагсан бөмбөгийн ДАШТ амжилттай үргэлжилж байна. Өчигдөр буюу 06-р сарын 23-нд эхэлсэн ДАШТ-д нийт 27 улсын 40 баг өрсөлдөж байгаа ба өнөөдөр хэсгийн бүх багууд хоёр тоглолт хийлээ.

Манай эрэгтэй шигшээ баг өчигдөр B хэсгийн хоёр тоглолтоо хийж, АНУ-д 21-18 харьцаатай, Латвийн шигшээд 21-16 харьцаатай тус тус ялагдал хүлээсэн. Харин өнөөдөр манай эмэгтэй шигшээ баг D хэсгийн эхний тоглолтоо Бразилийн шигшээ багийн эсрэг хийхдээ 18-16 харьцаатай хожиж, тэмцээний нээлтийн тоглолтоо гайхалтай эхлүүллээ. Түүний араас Дэлхийн чансаанд 4-т эрэмбэлэгддэг хүчирхэг Испаний шигшээ багтай тоглосон тоглолтод 22-10 харьцаатай хожигдол хүлээн 1 хожил 1 хожигдолтой тэмцээнийг үргэлжлүүлж байна.

Манай эрэгтэй шигшээ багийн хувьд маргааш хэсгийнхээ сүүлчийн буюу тун чухал хоёр тоглолт хийх хуваарьтай байна. Тэд маргааш буюу 06-р сарын 25-ны 18:00 цагаас Монтенегро улсын шигшээ багтай тоглох ба түүний араас 20:15 цагаас Япон улсын шигшээ багтай тоглох юм. B хэсэгт АНУ, Латвийн шигшээ багууд 2 хожилтой хэсгээ тэргүүлж байгаа бол Японы шигшээ баг Монтенегрог хожиж 1-1 амжилттай яваа. Манай шигшээ баг маргааш Монтенегро болон Японы шигшээ багуудыг зайлшгүй хожих аваас хэсгээсээ 2-3 байруудаар гарах болно. Хэсгээсээ 2 болон 3-р байраар гарвал С зоонд буй БНХАУ,Канад, Пуерто Рико, Австрали, Франц улсын шигшээ багуудын 3 болон 2-р байраар шалгарсан багтай учраа тааран шигшээ 8-д үлдэх эрхийн төлөө өрсөлдөх юм.

Эмэгтэй шигшээ багийн хувьд 06-р сарын 26-ны өдрөөс хэсгийнхээ үлдсэн хоёр тоглолтыг хийнэ. Тус өдөр 18:00 цагаас Германы шигшээ багтай, 20:15 цагаас Украйны шигшээ багтай тус тус өрсөлдөх хуваарьтай байна. D хэсэгт Испани, Германы шигшээ багууд нэг ч хожигдолгүй 2-0 амжиллтай яваа ба Монголын шигшээ баг 1-1 амжилттай 3-р байранд жагсаж байна. Хэрвээ эмэгтэй шигшээ баг үлдсэн тоглолтууддаа хожил байгуулж чадвал хэсгээсээ 1-р байраар ч гарах боломжтой. 1-р байраар гарвал тэднийг ШИГШЭЭ 8-ын тоглолтууд хүлээх юм Харин дээр дурдсанчлан 2 болон 3-р байраар шалгарвал А бүст байгаа Австрали, БНХАУ, Польш, Итали, Мадагаскар улсуудын багуудын аль 2 болон 3-р байраар шалгарсан багтай зөрж тоглох юм.

Харин одоо та бүхэнд тэмцээний хэсэг бүрийг тэргүүлэгчдийг танилцуулья:

ЭРЭГТЭЙ

А Бүст

1. Germany 2 хожил
2. Serbia 1 хожил 1 хожигдол
3. Australia 1 хожил 1 хожигдол
4. Belgium 1 хожил 1 хожигдол
5. Madagascar 2 хожигдол

B Бүст

1.United States 2 хожил

2.Latvia 2 хожил

3.Japan 1 хожил 1 хожигдол

4.Mongolia  2 хожигдол

5.Montenegro  2 хожигдол

C Бүст

1.China  2 хожил

2.Canada 1 хожил 1 хожигдол

3.Puerto Rico 1 хожил 1 хожигдол

4.Austria  1 хожил 1 хожигдол

5.France 2 хожигдол

D Бүст

1.Spain 2 хожил

2.Netherlands 2 хожил

3.Switzerland 1 хожил 1 хожигдол

4.Great Britain 2 хожигдол

5.Lithuania  2 хожигдол

ЭМЭГТЭЙ

А Бүст

1.Australia 2 хожил

2.China 1 хожил 1 хожигдол

3.Poland 1 хожил 1 хожигдол

4.Italy 1 хожил 1 хожигдол

5.Madagascar 2 хожигдол

B Бүст

1.Japan 2 хожил

2.United States 2 хожил

3.Czechia 1 хожил 1 хожигдол

4.Chile 2 хожигдол

5.Netherlands 2 хожигдол

C Бүст

1.France  2 хожил

2.Canada  2 хожил

3.Latvia 1 хожил 1 хожигдол

4.Austria 2 хожигдол

5.Hungary 2 хожигдол

D Бүст

1.Spain 2 хожил

2.Germany 2 хожил

3.Mongolia  1 хожил 1 хожигдол

4.Brazil  2 хожигдол

5.Ukraine 2 хожигдол