Сагсан бөмбөгийн 3х3 төрлийн Парис-2024 олимпын эрх олгох сүүлийн цор ганц тэмцээн эхлэх цаг хаяанд ирлээ.

Парис-2024 зуны 33 дахь олимпын өмнө 3х3 төрлийн сагсан бөмбөгийн олимпын эрх олгох Дебрецен-2024 тэмцээн 5-р сарын 16-19-ний өдрүүдэд болох юм.

 

Манай Монголын эрэгтэй, эмэгтэй шигшээ баг Парисыг зорих эсэх эцсийн үр дүнгээ үзэхэд бэлэн боллоо.

Эрхийн сүүлийн тэмцээн: /Унгар улсын Дебрецен хот/

Эрэгтэй: Унгар, Египет, Мадагаскар, Пуэрто-Рико, Канад, Монгол, Япон, Франц, Литва, Нидерланд, Латви, Бельги, Австри, Швейцарь, Герман, Польш.

Монголын багийн бүрэлдэхүүн өнгөрсөн жилийн Азийн аварга шалгаруулах тэмцээнд түрүүлсэн тамирчид буюу Э.Дөлгөөн, Д.Дэлгэрням, О.Энхбаатар, А.Ананд нар байна.

Эмэгтэйчүүд: Унгар, Египет, Тунис, Канад, Чили, Япон, Монгол, Герман, Испани, Нидерланд, Литва, Азербайжан, Польш, Чех, Итали, Израилийн багууд өрсөлдөнө.

 

Монголын эмэгтэй шигшээ багт О.Хулан, Б.Ариунцэцэг, Ц.Болорцэцэг, М.Булбул нар дуудагджээ.