Практик буудлагын спортын хийн гар бууны төрлийн 2 дахь удаагийн Дэлхийн аварга шалгаруулах тэмцээн 2025 оны 7-р сарын 24-нөөс 8-р сарын 3-ны өдрийг дуустал Филиппин улсын Илоило хотноо зохион байгуулагдаж, Монгол Улсын баг, тамирчид амжилттай оролцлоо.

26 улсын 400 гаруй тамирчид оролцсон тус тэмцээнд Монгол Улсыг төлөөлөн 26 тамирчин 4 ангилалд 5 багийн бүрэлдэхүүнтэйгээр оролцсон юм. Манай тамирчид 1 алт, 3 мөнгө, 2 хүрэл, нийт 6 медаль хүртлээ.

Тэмцээний халз буудлагын төрөлд:

Классик ангиллын эмэгтэй дэд ангилалд практик буудлагын спортын 1-р зэрэгтэй тамирчин Б.Энхжаргал Классик ангиллын эмэгтэй дэд ангилалд практик буудлагын халз буудлагын төрөлд Дэлхйин аварга боллоо.

-Классик ангилалд 41 тамирчин оролцсоноос багийн дүнгээр 5,922 оноогоор 2-р байранд Монгол Улсын "Classic Team Mongolia" баг шалгарлаа, багийн бүрэлдэхүүнд:

СМ У.Тэмүүлэн СДМ Т.Ганзориг СМ Г.Эрдэнэтулга 

СМ Б.Эрдэнэчулуун

-Продакшн ангилалд 107 тамирчин оролцсоноос багийн дүнгээр 6,190 оноогоор 3-р байранд Монгол Улсын "Production Team Mongolia" баг шалгарлаа, багийн бүрэлдэхүүнд:

СМ Э.Өнөрбаяр СМ Н.Энхтөгс СМ М.Энхсайхан СМ А.Арслан

-Продакшн ангиллын эмэгтэй дэд ангилалд 14 тамирчин оролцсоноос багийн дүнгээр 5,309 оноогоор 2-р байранд

Монгол Улсын "Production Lady Team Mongolia" баг шалгарч, спортын мастер Я.Есмаа хувийн дүнгээр 3-р байрыг эзэллээ, багийн бүрэлдэхүүнд:

СМ Я.Есмаа СМ Д.Сарангуа СМ Г.Эгшиглэн

-Продакшн ангиллын өсвөрийн дэд ангилалд 14 тамирчин оролцсоноос багийн дүнгээр 2,988 оноогоор 2-р байранд Монгол Улсын "Production Junior Team Mongolia" баг шалгарлаа, багийн бүрэлдэхүүнд:

С1 М.Маргад С1 Э.Намсрайбазар