БНСУ-ын KBL-д лигт тоглож буй Монгол гаралтай Х.Болдсүх дараагийн аялалаа Сөүл хотын Самсунг Тандерс багтай хийхээр болжээ.
Анх Масан ахлах сургууль, Ханян их сургуулийг дамжсан И Гын Хви буюу Х.Болдсүх нь 2020 оны драфтын эхний тойргийн 8 дахь сонголтоор KCC багт элссэн. Улмаар 2021–2022 оны улиралд Пусан KCC багаас мэргэжлийн дебютээ хийсэн бөгөөд нийт 185 тоглолтод оролцож дунджаар 15 минут 37 секунд тоглосон юм. Тэрбээр дунджаар 4.8 оноо, 1.3 самбар, 0.5 дамжуулалт хийхдээ 40.1%-ийн гурван онооны шидэлтийн гүйцтэтгэлтэй байсан нь түүнийг онцгой шидэлтийн чадвартай гэдгийг батладаг юм. 2024–2025 оны улиралд ч мөн адил 42.5% (193 шидэлтээс 82 амжилттай)-тай алсын зайнаас шидсэн юм. Энэ жил KCC багтай хийсэн аялал нь өндөрлөж, Сөүл хотын Самсунг Тандерс хэмээх том багтай гувран жилийн гэрээ байгуулжээ.
Самсунг Тандерс клубийн төлөөлөгч:
“И Гын Хви нь лигийн хамгийн шилдэг гурван онооны шидэлтийн хувьтай шидэгч” хэмээн түүнийг үнэлж буйгаа хэлсэн юм.
Өчигдөр буюу 2025 оны 5-р сарын 26-нд албан ёсоор гэрээгээ зурсан байна.Самсунг компанитай 3 жилийн гэрээ зурсан ба эхний жилдээ нийт 320 сая вон буюу монгол төгрөгөөр 816 сая төгрөгийн цалин авахаар болжээ.
Үүнээс 64 сая вон нь урамшуулал бол 256 сая вон нь жилийн цалин гэнэ. Өнгөрсөн улирлын жилийн 90 сая воны цалинтай харьцуулахад 255%-иар нэмэгдсэн нь KBL-ийн түүхэнд томоохон амжилт юм. Анхны улиралдаа дебют хийснээс хойш ердөө 6 жилийн дотор хэдэн зуун саяын цалин авсан анхны тоглогч болсон хэмээн БНСУ-ын хэвлэл мэдээллээр шуугиж байна.
