FIBA буюу Олон улсын сагсан бөмбөгийн холбооноос зохион байгуулдаг Азийн Аваргуудын Лигийн бүсийн тэмцээнд Монголын шилдэг багууд дахин оролцох боломжтой болсныг тус холбооноос зарлалаа. Азийн топ багууд өрсөлддөг тус лигт өнгөрсөн жилийн Үндэсний дээд лигийн аварга Хасын Хүлэгүүл болон финалд шалгарсан Бишрэлт Металл багууд Азийн 5 улсын 6 багийн эсрэг финалын шатанд өрсөлдөх ердөө хоёр эрхийн төлөө өрсөлдөхөөр болжээ. Тус хоёр эрхийн төлөө Тайвань, Тайланд, Малайз, Сингапур, Индонез улсуудын багтай өрсөлдөх аж.

Тайвань: Нью Тайпэй Кингс, Таоюань Пауюань Пайлотс

Монгол: Хасын Хүлэгүүд, Бишрэлт Металл

Индонез: Пелита Жаяа

Малайз: НС Матрикс Дирс

Тайланд: Хай-Тек

Сингапур: Адройт клуб

Дээрх найман баг хоёр хэсэгт хуваагдаж, нэг баг хэсэгтээ нийт зургаан тоглолт хийх ба бүс тус бүрээс шалгарсан 2 баг өрсөлдөх аж. Манай багууд 3 удаа зочлон тоглолт хийж, 2025 оны 5 дугаар сарын 9-14-ны өдрүүдэд эх орондоо өрсөлдөгч багуудаа хүлээн авч тоглох ажээ. Үндэсний Дээд лиг: “Өнгөрсөн жилээс МСБХ-ны Үндэсний дээд лиг ФИБА-гаас зохион байгуулдаг #BCLAsia-д өрсөлдөж эхэлсэн ба эхний шатыг Монголдоо зохион байгуулсан.

Өөрөөр хэлбэл МСБХ-ны Үндэсний Дээд лигийн багууд Ази тивд зохион байгуулагдаж буй #BCLAsia, #EASL гэсэн топ 2 лигт өрсөлддөг боллоо.

Азийн аваргуудын лигт эх орноо төлөөлөн оролцох Хасын Хүлэгүүд, Бишрэлт Метал багууддаа баяр хүргэж амжилт хүсье!” хэмээн өөрсдийн цахим хуудсаараа дамжуулан мэдэгдсэн байна.