2 сарын 3
Өнөөдөр Монголын сагсан бөмбөгийн Үндэсний Дээд Лигийн 2024-25 оны улирлын эмэгтэй шилдэг тоглогчдыг шалгаруулж, шагнал гардуулах ёслол болж өнгөрлөө.
2024-2025 оны улиралд ямар тоглогчид ШИЛДЭГ-ээр тодорсныг хүргэе!
Шилдэг шинэ тоглогч шагналын эзнээр АОДЭ М Винкс багийн залу тоглогч Б. Гэрэлмаа тодорлоо.
Тэрээр энэ улиралд 15 тоглолтод 9.6 оноо, 3.7 самбар, 2.8 оновчтой дамжуулалт, 42%-ийн довтолгоо дунджилсан байна.
Шилдэг амжилт нь ахисан тоглогч шагналын эзнээр Омни Хүлэгүүд багийн тоглогч Т.Үлэмж тодорлоо.
Тэрээр өнгөрсөн улиралд 2.7 оноо, 5.3 самбар, 0.8 оновчтой дамжуулалт дунджилж байсан бол энэ улиралд 15 тоглолтод 8.0 оноо, 7.4 самбар, 1.1 оновчтой дамжуулалт дунджилжээ.
Шилдэг хамгаалан тоглогч шагналын эзнээр Аравт багийн тоглогч Б.Өнөрзаяа тодорлоо.
Тэрээр энэ улиралд 15 тоглолтод 9.8 оноо, 4.2 самбар, 3.3 оновчтой дамжуулалт, 3.8 бөмбөг таслалт дунджилсан байна.
Шилдэг дасгалжуулагч шагналын эзнээр Улаанбаатар Амазонс багийн дасгалжуулагч Фран Гарсиа тодорлоо.
Улаанбаатар Амазонс баг энэ улиралд “15-1” амжилт үзүүлж, лигийн амжилтын хүснэгтийг тэргүүлсэн юм.
Шилдэг гадаад тоглогч шагналын эзнээр Улаанбаатар Амазонс багийн тоглогч Грэйс Берг тодорлоо. 
Тэрээр энэ улиралд 19.9 оноо, 7.5 самбар, 2.7 оновчтой дамжуулалт дунджилсан байна.
Лигийн хамгийн хүндтэй шагнал болох Үнэ Цэнтэй тоглогч /MVP/ шагналын эзнээр Улаанбаатар Амазонс багийн ахлагч Б.Ариунцэцэг тодорлоо.
Тэрээр энэ улиралд 15 тоглолтод 19.0 оноо, 9.7 самбар, 2.9 оновчтой дамжуулалт, 49 хувийн довтолгоо дунджилсан байна. Мөн Улаанбаатар Амазонс баг нь улиралд “14-1” амжилт үзүүлж, лигийн амжилтын хүснэгтийг тэргүүлсэн юм.
