ДАШТ-ий эмэгтэйчүүдийн 48 кг-ын жинд Үндэсний шигшээ багийн тамирчин Б.Баасанхүү Италийн жүдочийг ялж, алтан медаль хүртсэн. Ингэснээр түүний хувьд жүдо бөхийн ДАШТ-ээс Монголын баг тамирчдын 28 дахь медалийг эх орондоо авчирсан. Түүний энэ алтан медаль манай жүдочдын дэлхийн аваргын зургаа дахь алтан медаль байжээ. Өнөөдөр Монголын жүдо бөхийн холбооны ерөнхийлөгч Х.Баттулга дэлхийн аваргын медальтнуудтай уулзаж, амжилт хүслээ.