АНУ-д зохион байгуулагдаж буй клубүүдийн ДАШТ цоо шинэхэн форматаар амжилттай үргэлжилж байна. Хэсэг тус бүрийн эхний тоглолтуудын мэдээллийг хүргэж байна.

С хэсгийн 2 дахь тоглолт Португалын лигийн хамгийн олон түрүүтэй баг болох Benfica клуб Аргентины лигийн хамгийн хүчирхэг багуудын нэг Boca juniors клубүүдийн хооронд боллоо. Тоглолтын эхний хагасын 21 дэх минут Boca Junior клубийн довтлогч Miguel Merentiel гоол оруулж 1:0 болгов. Түүний гоолоос ердөө зургаахан минутын дараа тоглолтын 27 дахь минутад Rodrigo Battaglia гоол оруулж 2:0 болгон холдуулав. Гэсэн ч эхний хагасыг дуусахтай зэрэгцэн шүүгч 11 метрийн торгуулийн цохилтын эрхийг Benfica клубт олгож үүнийг нь Аргентины бүх цаг үеийн шилдэг хагас хамгаалагчдын нэг Ángel Di María гоол болгож 2:1 болгон ойртуулав. Тоглолтын хоёрдугаар хагасын 84 дэх минутад Benfica клубийн Аргентин хамгаалагч Nicolás Otamendi гоол оруулж 2:2 болгон тэнцүүлснээр багууд оноо хуваалцлаа. Энэхүү тоглолт уур амьсгалын хувьд маш ширүүн болсон бөгөөд нийт гурван улаан хуудас өргөгджээ. Boca Juniors клубээс Ander Herrera болон Jorge Figal нар улаан хуудас хүртсэн бол Benfica клубээс Andrea Belloti улаан хуудсаар торгуулсан байна.

D Хэсэг

D хэсгийн эхний тоглолт Английн алдарт цэнхэр арслангууд болох Chelsea клуб Америкийн Los Angeles клубтэй тоглолоо. Тоглолтын эхний хагасын 34 дэх минутад Nicolas Jackson-ий дамжуулалтаар Pedro Neto гоол оруулж 1:0 харьцаатай Chelsea клуб эхний хагаст илүүрхэв. Улмаар тоглолтын хоёрдугаар хагасын 79 дэх минутад Chelsea клубийн шинэ цэрэг Liam Delap-ийн дамжуулалтаар Enzo Fernández гоол оруулж 2:0 харьцаатайгаар Chelsea клуб эхний хожлоо авч чадлаа.

D хэсгийн хоёр дахь тоглолт Бразилын Flamengo клуб Тунисийн ES Tunis клубтэй тоглолоо. Тоглолтын эхний хагасын 17 дахь минутад Luiz Araújo-ийн дамжуулалтаар Giorgian de Arrascaeta гоол оруулж эхний хагасыг Бразилын Flamengo клуб 1:0 харьцаатай илүүрхэв. Тоглолтын хоёрдугаар хагасын 70 дахь минутад Flamengo клубийн шинэ цэрэг Английн Arsenal болон Chelsea клубүүдэд тоглож байсан Jorginho-ийн дамжуулалтаар Luiz Araújo гоол оруулж 2:0-ийн харьцаатай Бразилын Flamengo клуб эхний хожлоо авч Chelsea клубийн адил хэсгээ тэргүүлж байна. 

E хэсэг

Е хэсгийн эхний тоглолт Аргентины шилдэг клуб River Plate болон Японы шилдэг клубүүдийн нэг Urawa Red Diamonds клубүүдийн хооронд боллоо. Тоглолтын эхний хагасын 12 дахь минутад Marcos Acuña-ийн дамжуулалтаар Facundo Colidio гоол оруулж эхний хагасыг River Plate клуб 1:0 харьцаатай илүүрхэв. Тоглолтын хоёрдугаар хагас дөнгөж эхлээд River Plate клубийн довтлогч Sebastián Driussi гоол оруулж 2:0 болгон холдуулав. Гэсэн ч тоглолтын 58 дахь минутад Японы Urawa Red Diamonds клубт шүүгч 11 метрийн торгуулийн цохилт бэлэглэж үүнийг нь довтлогч Yūsuke Matsuo гоол болгосноор 2:1 болгон ойртуулав. Тоглолтын 73 дахь минутад Marcos Acuña-ийн дамжуулалтаар Maximiliano Meza гоол оруулж 3:1 болгосноор Аргентины алдарт River Plate клуб бүтэн 3 оноо авч чадлаа.

Е хэсгийн хоёр дахь тоглолт Мексикийн алдарт Monterrey клуб Италийн алдарт Inter Milan клубтэй тоглолоо. Тоглолтын эхний хагасын 25 дахь минутад Óliver Torres-ийн дамжуулалтаар Испанийн бүх цаг үеийн шилдэг хамгаалагчдын нэг Sergio Ramos гоол оруулж 1:0 болгов. Тоглолтын 42 дахь минутад Carlos Augusto-ийн дамжуулалтаар Lautaro Martínez гоол оруулж эхний хагас 1:1 харьцаатай өндөрлөлөө. Харин хоёрдугаар хагас харилцан довтолсон тун сонирхолтой болсон ч гоол оролгүй хоёр баг эвийн гэрээ байгууллаа.

F хэсэг

F хэсгийн эхний тоглолт Бразилын Fluminense клуб Германы алдарт Borrusia Dortmund клубтэй тоглолоо. Тоглолт маш сонирхолтой ширүүн уур амьсгалтай өрнөсөн ч гоол оролгүй эвийн гэрээ байгуулж оноо хуваалцлаа.

F хэсгийн хоёр дахь тоглолт Өмнөд Африкийн Mamelodi Sundowns клуб Солонгосын Ulsan Hyundai клубтэй тоглолоо. Тоглолтын 36 дахь минутад Mamelodi Sundowns клубийн Lucas Ribeiro Costa-ийн дамжуулалтаар Iqraam Rayners гоол оруулж 1:0 харьцаатайгаар үндсэн цагт хожил байгуулж хэсгээ тэргүүлж эхэллээ.