2024 оны Монгол улсын "Шилдэгийн шилдэг" тамирчид тодорлоо

Өсөхбаяр

12 сарын 20

Монголын Үндэсний Олимпын хорооноос жил бүр уламжлал болгон спортын салбарын жил бүрийн шилдгүүдийг тодруулдаг “БӨРТЭ ЧОНО” наадмын 2024 оны хамгийн шилдэг тамирчдыг өчигдөр тодрууллаа.

Энэ онд олимпын цикл буюу Парис 2024 олимпын наадам болж өнгөрсөн онцгой жил байсан бөгөөд манай тамирчид тив, дэлхийд олон өндөр амжилт үзүүлсэн гайхалтай жил болж өнгөрлөө.

Та бүхэнд энэ оны шилдгүүдийг танилцуулж байна.

Олимпын шилдэг зүтгэлтэн:

МУГТ, Дэлхийн гүйлтийн рекорд эзэмшигч Ц.Раднаа

Дэлхийн аварга шалгаруулах тэмцээнд гурван алтан медаль хүртэж, нэг дээд амжилт тогтоосон анхны Монгол хүн болсон. Түүнээс хойш Ази тивийн хэмжээнд зохиогдсон хөнгөн атлетикийн аварга шалгаруулах болон мастеруудын тэмцээнд удаа дараа оролцож, алт, мөнгөн медаль хүртэж, нийт 17 дээд амжилтын эзэн болсон гавьяат тамирчин юм.

Шилдэг дасгалжуулагч:

МУГТ, Үндэсний шигшээ багийн дасгалжуулагч М.Бундмаа.

Шилдэг дасгалжуулагч:

МУГТ, Үндэсний шигшээ багийн дасгалжуулагч: Ц.Цогтбаяр

Паралимпын шилдэг тамирчин:

Парис 2024 паралимпын наадмын анхны эмэгтэй Алтан медалийг эх орондоо авчирсан Хөдөлмөрийн баатар Г.Сүрэнжав.

Шилдэг залуу тамирчин

Монгол улсаас Залуучуудын ДАШТ-ээс жүдо бөхийн төрөлд анх удаа Алтан медалийн эзэн болсон. Мөн токиогийн Их дуулга тэмцээнээс хүрэл медаль хүрсэн Т.Ариунзаяа.

Шилдэг баг

Азийн аварга шалгаруулах тэмцээний хүрэл медаль

FIBA 3x3 Women’s series Ulaanbaatar тэмцээний аварга.

FIBA 3x3 Women’s series Chengdu тэмцээнд оролцон 5-р байр

FIBA 3x3 Women’s series Wuhan тэмцээнд оролцон 3-р байр

FIBA 3x3 Women’s series Langfang тэмцээнд оролцон 6-р байр

FIBA 3x3 Women’s series Debrecen тэмцээнд оролцон 5-р байр

Сагсан бөмбөгийн 3х3 төрлийн эмэгтэй шигшээ баг.

Шилдэг тамирчин

Дэлхийн аварга шалгаруулах тэмцээний мөнгөн медаль, Азийн аварга шалгаруулах тэмцээний хүрэл медальт С.Цэрэнчимэд.

Шилдэг тамирчин:

"Парис 2024" Олимпын наадамд оролцогч, "Манама 2024" Дэлхийн аварга шалгаруулах тэмцээний мөнгөн медаль буюу ДАШТ-ээс иж бүрэн медаль хүртсэн МУГТ М.Анхцэцэг.

Шилдэг тамирчин:

Олимпын наадамд тав дахь удаагаа оролцсон МУГТ Б.Сэр-Од

Шилдэг тамирчин

"Парис 2024" Олимпын шагналт V байр, Азийн аварга шалгаруулах тэмцээний мөнгөн медаль, Истбанбул хотноо зохиогдсон "Парис 2024" Олимпын эрх олгох тэмцээний аварга МУГТ Т.Тулга.