Үндэсний Дээд лигийн Бишрэлт Металл баг BCL Asia буюу 2025 оны Азийн Аваргуудын лигийн А хэсгийн эхний тоглолтдоо Малайзийн “NS Matrix Deers” багийг талбай дээр нь буулгаж авлаа. Тэд зүгээр ч нэг хожил байгуулсангүй, түүх бүтээлээ. Учир нь Монголын сагсан бөмбөгийн түүхэнд мэргэжлийн дээд лигийн баг олон улсын томоохон лигт эсрэг багийн талбайд зочлон тоглож, хожил байгуулсан анхны баг боллоо.

Малайз улсын Куала Лумпур хотын "MABA" ордонд өнөөдөр 20:00 цагаас болсон тоглолтод Бишрэлт Металл багийн ахлагч Т.Ууганбаяр бэлтгэлийн үеэр хамартаа авсан гэмтлийн улмаас, Н.Мөнхчөдөр хөлийн бэртлийн улмаас тус тус оролцох боломжгүй болсон юм.

Тоглолтын эхний үеээс тэргүүллийг гартаа авч, 19-25 харьцаатай өндөрлөсөн бол хоёрдугаар үед ч мөн тэргүүллээ алдсангүй. Улмаар гуравдугаар үед 20 хүртэлх онооны тэргүүллийг авав. Дөрөвдүгээр үед эсрэг багийн John Wesley Murry II оноог 8 хүртэл ойртуулав. Харин тухайн үед Бишрэлт Металл баг агуулгыг гартаа авч, үндсэн цагт 98-86 харьцаатай хожил байгууллаа.

Тамирчдын нийт статистик үзүүлэлтийг ЭНД дарж харна уу!

Ийнхүү тэд BCL Asia-г өнгөтэй эхлүүлж байна.

FIBA-ийн албан ёсны түнш олон улсын спорт бүүкмэйкин компани 1xbet.