Үндэсний Дээд лигийн АРАВТ баг АНУ-ын шигшээд багтаж, WNBA-д драфтлагдаж байсан Lindsey Pulliam-ыг Плэй-оффын өрсөлдөөнд хүч нэмэхээр багтаа нэгтгэжээ.

Lindsey Pulliam нь АНУ-д 1999 онд төрж, өссөн Northwestern Их сургуулийг дүүргэж, WNBA-ийн гуравдугаар тойргоор Atlanta Dream багт драфтлагдаж байсан ба АНУ-ын шигшээ багаас 2019 онд Пан Америкийн наадамд оролцож, мөнгөн медаль хүртэхдээ 3.7, 1.3 самбар дунджилсан байна.

Тэрбээр мэргэжлийн замналаа 2021 оны наймдугаар сард Туркийн Elazığ İl Özel İdarespor багтай гэрээ байгуулж, 12 тоглолтод 14.7 оноо, 3.5 самбар, 1.8 оновчтой дамжуулалт дунджилсан ба Евро цомын 7 тоглолтод 13.9 оноо, 5.9 самбар, 2.9 оновчтой дамжуулалт дунджилж байжээ.

2022-2023 оны улирлаас өмнө Пуллиам Испанийн дээд лигийн Феменина де Балончестогийн СБ Эстудиантестэй, 2023 оны 9-р сард Югославын аварга Валуртай, 2023 оны 12-р сард Словакийн Банска Бистрицатай гэрээ байгуулан тоглосон ба анх удаа Ази тивд газардах гэж байна.

Пуллиам Вашингтон ДС-д төрж, Мэрилэндийн Силвер Спринг хотод өссөн бөгөөд Saintmarie ахлах сургуульд суралцан төгсчээ. Пуллиам бол коллежид элсэхдээ дөрвөн одтой тоглогч байсан бөгөөд Northwest Их сургуулийн шигшээ багт тоглож байжээ. Дөрвөн жилийн хугацаанд тэрбээр 123 тоглолтод оролцож, нэг тоглолтод дунджаар 16,5 оноо, 379 довтолгоо, 120 бөмбөг таслалт 25 хаалт хийж байжээ.

Пуллиам Их сургуульдаа 2000 оноо авсан гурав дахь Northwest-ийн тоглогч юм. Тус сургууль 1993 оноос хойш анх удаа Шөвгийн 32-т шалгарч, 2020 онд Норт Вестерн багийн хамт Big 10-д аваргалж, 2021 онд NCAA-ийн тэмцээнд оролцох эрхийг авсан байна.

Ийнхүү тэрбээр Үндэсний Дээд лигийн Аравт баг Плэй-оффын эхний шатанд Омни Хүлэгүүд багтай учраа тааран өрсөлдөх юм.