Зүүн Азийн Супер лиг 2025-26 оны улирлын өрсөлдөөнд Монголын Үндэсний Дээд лиг нэмэгдлээ. EASL буюу Зүүн Азийн Супер лигт Монголын сагсан бөмбөгийн дээд лигийн энэ улирлын аварга баг ирэх намар элсэж, ирэх улиралд Зүүн Азийн шилдэг 10 багтай өрсөлдөх болно.

2016 онд үүсгэн байгуулагдаж, 2023 онд тус лиг дээрх нэрээр анхны улирлаа өлгийдөн авчээ. Тус лигт Филиппин, Япон, Өмнөд Солонгос, Хятадын Тайван, Хонг Конг, Макао зэрэг орны шилдэг клубууд өрсөлддөг.

2024-2025 оны улиралд 30 жилийн ойгоо тэмдэглэж буй Дээд лиг 3-р сард дуусах ба, шилдэг 8 баг Плэй-оффын өрсөлдөөнд үлдэж  4-р сарын сүүлээр лигийн аварга тодрох ба Аварга ба EASL-д Монгол Улсаа төлөөлөн оролцохоор болжээ. 

EASL-ийн анхны тэмцээн буюу тухайн үед Азийн лиг гэж нэрлэгддэг байсан нь 2017 оны 9-р сард Макао дахь Studio City Event Center-д болсон ба 8 баг оролцож “Super 8: Macau Basketball Invitational” нэрээ явагдаж байсан байна. Тус тэмцээнд Жэжян Гуанша Арслан, Шенжен Авиаторс (хуучнаар Шэньжэн Ирвэс), Гоян Орионс, Сөүл Самсунг Тандерс, Фубон Брейвс, Пауиан Арчиланд, Чиба Жетс, Рюкю Алтан Хаад багууд оролцсон.

Зохион байгуулагчид уг тэмцээнийг анх "Азийн лиг" гэж нэрлэсэн боловч ФИБА тэмцээний брэнд, маркетинг нь өөрийн ФИБА-гийн Азийн аваргуудын цомын тэмцээнтэй зөрчилдөж байна гэж үзснээр лигийн нэрний талаар ФИБА-тай хуулийн маргаан үүсгэж байж. Энэхүү маргаан нь тэмцээний нэрийг "Супер 8" болгон өөрчлөхөд хүргэсэн бөгөөд лигийн зохион байгуулагчид АНУ-ын мөрдөн байцаалтад ФИФА-г төлөөлөн оролцсон Куинн Эмануэлийн Томас Верленээс хууль зүйн туслалцаа хүссэний дараа FIBA тэмцээнийг албан ёсоор хүлээн зөвшөөрчээ.

Тус лигт та бүхний сайн мэдэх Жереми Лин тэргүүтэй олон супер од тоглогчид тоглож байсан ба өгдөө Сэлэнгэ Бодонс багт хүчин зүтгэж буй Жеантал Силла Тайваны багаас оролцож байжээ. Өмнөх улирлын аваргын шагнал 250.000 ам доллар байсан ба дэд байр 100.000 доллар авч байжээ.

EASL-ийн Гүйцэтгэх захирал Хенри Керинс "Энэ хамтын ажиллагаа нь урьд өмнө хэзээ ч байгаагүй гайхалтай амжилт. Монголын Дээд лигтэй хамтран ажилласнаар EASL багууд хүчтэй, сайн бэлтгэгдсэн өрсөлдөгчидтэй өрсөлдөж, оролцож буй бүх хүмүүсийн тоглолтын түвшинг дээшлүүлэх ач холбогдолтой. Зүүн Азийн супер лиг нь Япон, Өмнөд Солонгос, Филиппин, Хятадын Тайпэй, Хонг Конг, Макаогийн багуудаас бүрдсэн сагсан бөмбөгийн олон улсын лиг юм гэжээ. Харин МСБХ-ны Ерөнхий нарийн бичгийн дарга С.Төгсжаргал “Энэ бол Монголын сагсан бөмбөгийн түүхэн мөч юм. EASL платформ нь Монголын сагсан бөмбөгийг Дэлхийн газрын зураг дээр буулгаж, бид хамгийн өндөр түвшинд өрсөлдөх боломжтой гэдгийг батлах түлхүүр болж байна” гэжээ.