Дэлхийн бадминтоны өдрийг тохиолдуулан олон мянган хүн дэлхийн өнцөг булан бүрт арга хэмжээнд оролцсон тухай Дэлхийн Бадминтоны холбоо мэдэгдлээ. 1934 оны 7-р сарын 5-нд Олон улсын бадминтоны холбоо байгуулагдсаныг жил бүр бадминтоны өдөр болгон тэмдэглэдэг. Дэлхийн бадминтоны өдрийг тохиолдуулан энэ өдөр дэлхийн 60 оронд нийт 199 албан ёсны арга хэмжээ зохион байгуулагджээ. Арга хэмжээ бүр хэмжээ, байршил, анхаарал төвлөрсөн байдлаараа бадминтоныг тэмдэглэх, сурталчлах зорилготой байлаа.
"Дэлхийн бадминтоны өдөр нь бидэнд хайртай спортоо нэгэн зэрэг тэмдэглэж, сурталчлах онцгой боломжийг олгодог. Олон хүмүүс бадминтон тоглож, хичээллэж байгааг харах үнэхээр гайхалтай байлаа. Бадминтон бол бүх нийтийг хамарсан спорт болж байгаад бид маш их бахархаж байгаа бөгөөд энэхүү баярт оролцсон бүх гишүүд, түншүүд, тоглогчид, дасгалжуулагчид, сайн дурын ажилтнууддаа талархал илэрхийлье. "Shuttle Time, AirBadminton зэрэг томоохон төслүүдийн тусламжтайгаар оролцогчдын тоо өссөөр байна гэж бид найдаж байна." гэж Дэлхийн бадминтоны холбооны ерөнхийлөгч Поул-Эрик Хойер хэллээ.
