Үндэсний Дээд лигийн 2024-2025 оны ПО-ын эхний шатны 3 цуврал дууслаа.

Бишрэлт Металл 4-0 Завхан Бродерс

Хасын Хүлэгүүд 4-1 Дархан Юнайтед

Сэлэнгэ Бодонс 4-1 BCH Knight

Өнөөдөр Эрдэнэт Майнерс /2/ SG Apes /3/ багуудын цувралын 6 дахь тоглолт болно.

ПО-ын 2 дахь шат буюу хагас шигшээ шатанд Хасын Хүлэгүүд vs Сэлэнгэ Бодонс багууд учраа таарлаа.

NBA-ын супер од Демаркус Косинсыг ПО-ын өмнө эгнээндээ нэгтгэж аваргын төлөө дайрахаар болсон Сэлэнгэ Бодонс багийн хувьд ПО-ын эхний шатанд хүчирхэг, ПО-ын арвин туршлагатай BCH Knight багтай тоглолт бүр ширүүн өлсөлдөөн дунд болж 4-1 харьцаагаар буулган авсан.

ПО-ын эхний шатанд Хасын Хүлэгүүд баг 14.8 бөмбөг таслалт дундчилсан бол Сэлэнгэ Бодонс баг 6.8 бөмбөг таслалт дундчилжээ.

Хасын Хүлэгүүд баг 45.1 хувийн довтолгоо, 3 онооны шидэлтийг 35 хувьтай гүйцэтгэсэн бол Сэлэнгэ Бодонс баг багаараа 38.7 хувьтай довтолж, 3 онооны шидэлтийн хувь ердөө 28.1 хувьтай байлаа.

Улирал маш гайхалтай тоглож 3 онооны шидэлтийг өндөр хувьтай гүйцэтгэж байсан Ахмад Гилбертийг ПО-ын тоглолт эхлэхтэй зэрэгцэн багтаа авч үлдэж Силлаг явуулсан тэдний сонголт эхний шатанд лав зөв байсангүй.

Ахмад Гилберт эхний шатанд 14.8 довтолгооны оролдлого гүйцэтгэж ердөө 3.4-г /22.8%/ амжилттай болгосон. 3 онооны шидэлтийг 6.8 гүйцэтгэж 1.8-г /26.5%/ амжилттай болгосон нь түүний довтолгооны нөлөө эрс багассан байгааг харуулж байна. Тэрээр эхний цувралд 12.2 оноо, 6.4 самбар, 3 дамжуулалт, 1.4 таслалт дундчилсан байна.

Сэлэнгэ Бодонс багийг эхний шатанд ялалт багуулахад мэдээж хэрэг Демаркус Косинсын нөлөө үлэмж их байлаа. Учир нь тэр 26 оноо, 14.4 самбар, 3.6 дамжуулалт, 2.6 хаалтыг дундчилж, 55 хувийн гүйцэтгэлтэй довтолсон. Хожил байгуулахад ганц Косинсын нөлөөнөөс гадна багийн холбон тоглогч О.Тулга, хамгаалагч Н.Батбаяр нар үүргээ сайн биелүүлсэн байна.

О.Тулга 13.6 оноо, 5 самбар, 2.8 дамжуулалт, Н.Батбаяр 12.2, оноо 2.8 самбар, 2.2 дамжуулалт дундчилав.

Хасын Хүлэгүүд багийн хувьд Дархан Юнайтед багийг эхний шатанд 4-1-ээр хожиход багаараа жигд тоглолтыг үзүүлж ялалт байгууллаа.

ПО-ын өмнө Хасын Хүлэгүүд багтай нэгдсэн

Иан Миллер 19.2 оноо, 2.2 самбар, 3.8 дамжуулалт, 2.6 таслалт

Жордан Толберт 12.4 оноо, 9.2 самбар, 2 дамжуулалт, 2 таслалт

А.Азбаяр 12 оноо, 7.6 самбар, 2 таслалт, 1.4 хаалт,

Ч.Ихбаяр 11.4 оноо, 3.6 самбар, 1 таслалт

Б.Барсболд 9.4 оноо, 3.4 дамжуулалт, 2.8 самбар, 2.2 таслалт.

Б.Билгүүн 7.4 оноо, 2.4 самбар, 1.2 дамжуулалт,

Хасын Хүлэгүүд багийн хамгаалалтанд 2 буюу түүнээс дээш самбар авч буй 2 тоглогч, тоглолт бүрт 1 буюу түүнээс дээш таслалт гүйцэтгэж буй 7 тоглогч байна.

Сэлэнгэ Бодонс багийн сэлгээний холбогч Б.Энхсайхан уг цувралд бэртлээс эргэн ирэхгүй бол О.Тулга маш өндөр дарамттай хамгаалалтын эсрэг холбогчийн үүргийг ганцаар гүйцэтгэж тоглох болно.

Хасын Хүлэгүүд багийн статистик үзүүлэлт жигд сайн байгаа бол Сэлэнгэ Бодонс багийн довтолгоо хамгаалалтын үзүүлэлт эхний шатанд тааруу байгаа нь эхний шатанд өрсөлдсөн BCH Knight багтай шууд хамааралтай. Энэ цувралд Сэлэнгэ Бодонс баг хожихыг хүсч байгаа бол Ахмад Гилберт сайн тоглолтоо эргүүлэн авч ирэх, багийн гол

туслагч О.Тулга, Н.Батбаяр нар сайн тоглолтоо гаргах шаардлагатай.