FC ULAANBAATAR vs ERCHIM FC

Эрчим клубийн бүх цаг үеийн шилдэг тоглогч багийн ахлагч Ц.Энхжаргал энэхүү тоглолтод эргэн ирсэн билээ. Тоглолтын эхний хагас сонирхолтой харилцан довтолгоотой болж байсан ч гоол орсонгүй эхний хагас 0:0 харьцаатай өндөрлөлөө. Харин 2-р хагас 58’ чөлөөт цохилтоос Julio Montero-ийн дамжуулалтаар Г.Төгөлдөр ганган мөргөж гоол оруулж 0:1 харьцаагаар Эрчим клуб тэргүүлж эхэллээ. 

Гэсэн ч тоглолтын 74’ Н.Сайнбуяны дамжуулалтаар О.Мижиддорж гоёмсог гоол оруулж 1:1 болгов. Тоглолтын 88’ Эрчим клубийн сөрөг довтолгоо Julio Montero урагшаа дамжуулалтыг Kou Gotou-руу гаргаж өгсөн ч шүүгч маш том алдаа гарган отон тоглолт гэж үзэв. Тоглолтын 90+3’ А.Дөлгөөн дээр Г.Билгүүн алдаа гаргасан гэж шүүгч үлээж мөн л эргэлзээтэй шийдвэрийг чухал мөчид гаргав. 

Улмаар 11 метрийн торгуулийн цохилтыг О.Мижиддорж амжилттай гүйцэтгэж 2:1 харьцаагаар FС Ulaanbaatar клуб хожил байгуулж 25 дах оноогоо авлаа.

KHANGARID FC vs BISHRELT-KHOROMKHON

Тоглолтын эхний хагас 17’ Г.Нарангэрэлийн дамжуулалтаар залуу тоглогч Э.Тэгшжаргал гоол оруулан 0:1 болгон Бишрэлт-Хоромхон клуб тэргүүлж эхлэв. Тоглолтын 26’ Н.Наранболд гоол оруулан 0:2 харьцаатай болгон эхний хагасыг Бишрэлт-Хоромхон клуб илүүрхэв. 

Харин 2-р хагас 65’ Тацүяа Иногийн дамжуулалтаар З.Тэмүүлэн мөргөн гоол оруулж 1:2 болгон ойртуулав. Гэсэн ч тоглолтын 83’ Мироншох Сатаровийн дамжуулалтаар Азамат Абдухалилов гоол оруулан 1:3 харьцаагаар Бишрэлт-Хоромхон клуб хожил байгуулж 22 оноотой 6-р байранд бичигдэж байна.

HUNTERS FC vs BRERA ILCH

Тоглолтын эхний хагас сонирхолтой харилцан довтолгоотой болж байсан ч гоол орсонгүй эхний хагас 0:0 харьцаатай өндөрлөлөө. Харин 2-р хагас 63’ Хантерс клубийн Э.Мөнгөнбагана дээр Брера Илч багийн хамгаалагч А.Мөнхням алдаа гаргаснаар 11 метрийн торгуулийн цохилтын эрхийг Хантерс клуб авч улмаар Солонгос легионер К.Есүнг амжилттай гүйцэтгэж 1:0 болгов. 

Тоглолтын үндсэн цаг дуусаж 90+2’ Б.Пүрэвбаатарын дамжуулалтаар багийн ахлагч Э.Мөнх-Эрдэнэ солгой хөлийн ганган цохилтоор гоол оруулан 1:1 харьцаатай байгуулж оноо хуваалаа.

DEREN vs TUV AZARGANUUD

Хүснэгтийг тэргүүлж буй Дэрэн клуб өнгөрсөн тойрогт эхний хожлоо байгуулсан Төв Азарганууд клубтэй тоглолоо. Тоглолтын 16’ Төв Азарганууд клубийн Лукас Карвальё ганган гоцлон тоглолт үзүүлж дамжуулалтыг Т.Түвшинбаяр амжилттай гоол болгон оруулснаар 0:1 харьцаагаар Төв Азарганууд тэргүүлж эхлэв. 

Гэсэн ч түүний гоолоос ердөө 3’ дараа Дэрэн клубийн Б.Ууганбат дэндүү ганган цохилтоор гоол оруулан 1:1 болгон эхний хагас өндөрлөлөө. Харин тоглолтын 2-р хагаст 2 баг аюултай олон боломжийг үүсгэж байсан ч гоол орсонгүй энэхүү тоглолт эвийн гэрээгээр өндөрлөлөө.

SP FALCONS vs KHOVD BRONCOS

Хүснэгтийн дэд байрт бичигдэж байсан SP Falcons клуб Ховдын Хүлэгүүд клубтэй тоглолоо. Тоглолтын 12’ СП Фалконс клубийн жигүүрийн хамгаалагч О.Энх-Оргил ганган гоол оруулж 1:0-н харьцаатай эхний хагасыг СП Фалконс клуб илүүрхэв. Харин 2-р хагас эхлээд 56’ СП Фалконс клубийн М.Батхишиг гоол оруулан 2:0 болгов. 

Тоглолтын 74’ М.Батхишиг хаалгачийг хууран гоол оруулан 3:0 болгон холдууллаа. Улмаар тоглолтын 90+2’ СП Фалконс клубийн багийн ахлагч М.Төгөлдөр гоол оруулан 4:0 болгов. Тоглолтын 90+4’ Данийл Мусаткин гоол оруулан эцсийн цэгийг тавьж 5:0 харьцаатай СП Фалконс клуб хожиж 30 оноотой хүснэгтийг тэргүүлж эхэллээ.

Зургийн эх сурвалж: Mongolian Premier League