Монгол улсын нийслэл Улаанбаатар хотын төв талбайд сагсан бөмбөгийн 3х2 төрлийн ДАШТ тав дах өдрөө амжилттай үргэлжилж байна.

Өчигдөр буюу тэмцээний дөрөв дэх өдөр манай эмэгтэй шигшээ баг гайхалтай ялалтууд байгууллаа. Тодруулбал хэсгийн сүүлийн тоглолтуудаа Олимпын аварга Герман, Дэлхийн аваргын мөнгө хүрэл медальт Украйны шигшээ багуудтай тоглож ялалт байгууллаа. Ийнхүү манай эмэгтэй шигшээ баг хэсгээсээ 2-р байраар шалгарлаа. Өнөөдөр манай эмэгтэй шигшээ баг шигшээ 8-д шалгарах эрхийн төлөө БНХАУ-ын багтай 18:25 цагаас тоглоно. БНХАУ-ын шигшээ баг нь энэхүү тэмцээнд чансаагаараа 1-т эрэмбэлэгдэж байгаа хүчтэй баг юм. Токиогийн олимпын хүрэл медальтай, Дэлхийн аварга шалгаруулах тэмцээнд наймд дахь удаагаа оролцож буй бөгөөд Дэлхийн аварга, хүрэл медальтай туршлагатай баг юм. Мөн тэд Азийн аваргын тэмцээний иж бүрэн медальтнууд буюу Алт мөнгө, хошой хүрэл медалийн эзэд.

Монголын эмэгтэй шигшээ багийн хувьд энэхүү тэмцээнд чансаагаараа 10-т эрэмбэлэгдэж байгаа ч хүчтэй өрсөлдөгчидөө талбай дээрээ буулгаж авсаар байгаа билээ. Хамгийн сүүлд 2022 онд Белгит болсон ДАШТ-д манай шигшээ баг хэсгээсээ 3-р байраар шалгарч дээд амжилт үзүүлсэн ба Плэй-Инд Францын шигшээ багт хожигдон тэмцээнээ өндөрлүүлж байсан. Энэ удаа манай шигшээ баг БНХАУ-ын багийг хожиж чадвал, шилдэг 8-т шалгарч бас нэгэн түүх бүтээх билээ. Улмаар хасагдах шатанд аваргаа хамгаалагч, 3 удаагийн Дэлхийн аварга АНУ-ын шигшээ багтай тоглоно.

Монголын эмэгтэй шигшээ багтаа амжилт хүсье!

Мэдээллийн хамтрагч: Миний арьс арчилгаа Nivea брэнд

Nivea хөлс дарагч нь "Хар, цагаан хувцсанд ямар ч толбо үлдээхгүй. Хөлрөлт, хөлсний үнэрээс 72цаг найдвартай хамгаалж, танд хуурай тухтай мэдрэмжийг өгнө."

Спортыг Дэмжигч: DDish

𝐒𝐔𝐏𝐄𝐑 болон 𝐇𝐀𝐏𝐏𝐘 багцаа 𝟑 сараар сунгаад 𝟐𝟎% хүртэлх хөнгөлөлт эдлээрэй.

Мэдээллийн хамтрагч: TG SPORT Тод Гялалз