Цахим спортын CS2 төрлийн Дэлхийн аварга гэгдэх томоохон тэмцээн Shanghai Major-2024-т Монголын The Mongolz баг энэ цаг үеийн Дэлхийн шилдэг 8 багтай мөр зэрэгцэн шалгарсан. Өнөөдөр Плэй-оффын хожигдох эрхгүй BO3 учраанд өмнө нь нээлтийн шатанд хожиж байсан Германы MOUZ багтай учраа таарсан юм. Эхний map-аар The Mongolz Ancient-ыг сонгож 9-3 харьцаатай тэргүүлж явсан ч MOUZ тун хянамгай тоглосоор ойртуулж нэмэлт цаг гарган 16-14 харьцаатай тун харамсалтай ялагдал хүлээлгэв. Харин хоёр дахь map-аар MOUZ Inferno-г сонгож, мөн л хэмнэлээ алдалгүй, хянамгай тоглосоор 9-13 харьцаатай хожигдох эрхгүй тоглолтод ялагдал хүлээж Шанхай Мажорт хийсэн аяллаа өндөрлүүллээ.

Тэмцээний дараа Techno4K буюу М.Содбаяр "Манай Монголз багийн Шанхай Мажорт хийсэн аялал өндөрлөлөө. Биднийг дэмжиж байсан бүх хүмүүстээ баярлалаа. Ээж аав, ар гэр, найз нөхөд, Монголоос, гаднын улсаас гээд бүгдэд нь маш их баярлалаа. Бид дараа дараачийн тэмцээнд улам хүчтэй эргэж ирэх болно" хэмээн хэлж ордонд цугласан олон мянган хөгжөөн дэмжигчдийн сэтгэлийг хөдөлгөлөө.

Энэ цаг үеийн CS2-ийн Дэлхийн шилдэг найман багийн нэгээр тодорч, Монгол улсаас цаашлаад Ази тивээс Дэлхийн аварга гэгдэх Мажорт анх удаа шалгарсан түүхэн амжилтын эзэд болсон тэд Шанхай Мажорын 5-аас 8-р байрны эзэд болж 45,000 ам долларын шагнал хүртэнэ

.

𝐖𝐞 𝐩𝐫𝐨𝐮𝐝 𝐨𝐟 𝐘𝐨𝐮 𝐆𝐔𝐘𝐒!