Сөүлд болсон туялзуур сэлэмний Азийн аварга шалгаруулах тэмцээний эхний өдөр Өмнөд Солонгос хоёр алтан медаль хүртлээ. Гу Бон Гил, Ким Жун-хван, Ким Жун-хо, О Санг-ук нар эрэгтэйчүүдийн сэлэмний шигшээд Японы Кенто Хошино, Мао Кокубо, Кайто Стритс, Кенто Ёшида нарыг 45:33-аар буулган авч, ялалт байгууллаа. Олимпын аварга Өмнөд Солонгос 2019 онд Японы Чиба хотод туялзуур сэлэмний Азийн аварга шалгаруулах тэмцээнийг зохион байгуулахад авсан түрүүгээ хадгалж үлдэж байна гэсэн үг юм. Хүрэл медалийн төлөөх тоглолтод Иран Хонконгийн багийг ялж, медалийн тавцанд зогслоо. Харин эмэгтэйчүүдийн төрөлд Чой Инжон, Кан Ён Ми, Ли Хе Ин, Сон Се Ра нар түрүүлж, Хонг Конгийн Чан Вай Линг, Чу Ка Монг, Вивиан Конг, Лин Йик Хэй Коко нарыг илүүрхлээ. Япон гуравдугаар байрын төлөөх тоглолтод БНХАУ-ыг хожиж, хүрэл медаль хүртлээ.

Өмнөд Солонгосын эмэгтэй тамирчид өнгөрсөн жил Токиод болсон олимпоос мөнгөн медаль хүртсэн билээ. Ази тивийн аварга шалгаруулах тэмцээн эрэгтэй, эмэгтэй төрөлд багийн тэмцээн үргэлжилнэ.