Сагсан бөмбөгийн Үндэсний дээд лигийн эмэгтэйчүүдийн Плэй-оффын тоглолтууд үргэлжилж байна. Өнөөдөр дээд лигийн талбайд 2-р байраар шалгарсан Омни Хүлэгүүд болон 3-р байраар шалгарсан Аравт багуудын хооронд цувралын хоёр дахь тоглолт явагдана.

Улиралд

Аравт 2-1 Омни Хүлэгүүд

Плэй-Оффын эхний шатанд

Аравт 1-0 Омни Хүлэгүүд

Өмнөх тоглолт болон улирлын статистик мэдээллийг харьцуулж үзвэл:

Аравт багын улирлын дундаж

66.7 оноо

61 довтолгоо 24.1 амжилттай /37.0%/

Дундын зайнаас 36.4 оролдлого хийж 17.2-ыг

Алсын зайнаас 24.6 оролдлого хийж 6.9-ийг тус тус амжилтай

18.2 чөлөөт шидэлт гүйцэтгэж, 11.5 амжилттай /60.8%/

Нийт самбар 38.1

Хамгаалалтын самбар 26.4

Довтолооны самбар 11.7

Дамжуулалт 16.4

Бөмбөг алдалт 20.8

Хаалт 3.2

Багаараа гаргаж буй алдаа 19.4

Омни Хүлэгүүд багийн дундаж

66.5 оноо

67.3 довтолгоо 24.4 амжилттай /34.0%/

Дундын зайнаас 36.1 оролдлого хийж 16.7-г

Алсын зайнаас 31.2 оролдлого хийж 7.6-г тус тус амжилтай

15.6 чөлөөт шидэлт гүйцэтгэж, 10.2 амжилттай /60.9%/

Нийт самбар 44.1

Хамгаалалтын самбар 27.8

Довтолооны самбар 16.3

Дамжуулалт 17.3

Бөмбөг алдалт 18.9

Хаалт 2.9

Багаараа гаргаж буй алдаа 19.8

Цувралын эхний тоглолтод 

Аравт баг 74-81 харьцаатай ялалт байгуулж, цувралыг 1-0 харьцаатай тэргүүлж эхэлсэн. Тус тоглолтод Аравт багаас дөрвөн тоглогч 12 болон түүнээс дээш оноо авсан бөгөөд Б.Болор-Эрдэнэ 17 оноо, 8 самбар, 3 дамжуулалт, 1 таслалт гүйцэтгэж багаа тэргүүлжээ. Шинэхэн легионер тоглогч Л.Пуллиам 12 оноогоор тус хүргэж багтаа уусаж эхэлсэн байна. Аравт багийн хожлын гол түлхүүр нь тэдний дундын зайн довтолгоо болон будагтай талбайн довтолгоонууд байсан ба тэд багаараа 45 довтолж, 25-ыг нь амжилтай болгожээ. Улмаар багаараа 46.9 хувьтай довтолсон байна. Бусад голлох үзүүлэлтээр аль аль багууд тэнцүү шахам байгаа юм. Тоглолтын Boxscore-ыг ЭНД дарж сонирхоно уу!

Харин Омни Хүлэгүүд багаас К.Кинг 17 оноо, 12 самбар, 4 дамжуулалт, 2 бөмбөг таслалт, 1 хаалт гүйцэтгэж онцгой тоглолт үзүүлсэн ч Аравт багийг буулгаж авахад хангалтгүй байлаа. Хоёр багийн статистик үзүүлэлтээс харахад хоёр баг аль ч үзүүлэлт дээр хол зөрүүтэй зүйл үгүй байгаа нь харагдаж байна. Өнөөдөр гагцхүү тоглолтын шийдвэрлэх үе дэх гаргаж буй шийдвэр, багийн ойлголцол, дасгалжуулагчийн нүүдэл зэрэг цаасан дээр буух боломжгүй үзүүлэлтээр ялагч шийдэгдэх биз ээ.