3 сарын 15
Эхний тоглолт 16.10 минутаас хүснэгтийн 3-р байраар ПО-д шалгарсан SG Apes баг хүснэгтийн 6-р байраар ПО-д шалгарсан Эрдэнэт Майнерс багуудын 4 дэх тоглолт болно.
Тэдний эхний 2 учраанд багууд 1-1 амжилттай байсан бөгөөд 3 дах тоглолтонд Эрдэнэт Майнерс багийн ахлах дасгалжуулагч Г.Анар тодорхой шалтгааны улмаас тоглолтонд багаа удирдаж оролцоогүй.
Эрдэнэт Майнерс баг ахлах дасгалжуулагчийн эзгүйд 85-76 харьцаагаар хожигдож цуврал 2-1 болж SG Apes цувралыг тэргүүлж эхэлсэн.
Тэгвэл Эрдэнэт Майнерс багийн ахлах дасгалжуулагч Г.Анар цувралын 4 дэх тоглолтонд оролцох мэдээтэй тоглолт удахгүй эхлэхэд бэлэн боллоо.
Улирлын сүүлийн тоглолтондоо хожигдсоноор ПО-д 7-р байраар шалгарч өөрсдийн хамгийн хүнд өрсөлдөгч нарын нэг болох 2-р байраар шалгарсан Бишрэлт Металл багтай учраа таарсан Завхан Бродерс баг цувралд амьд үлдэх эсэхээ шийдэх чухал тоглолт 18.40 минутаас болно.
Учир нь тэд цуврал 3-0 харьцаагаар хожигдож байгаа.
Улирлын сүүлийн мөчид 3 жил багт нь хүчин зүтгэсэн Даймонд Стөүн гэнэтийн шалтгаанаар ПО-д тоглохгүй болж Клинтони Өрлиг багтаа нэгтгэсэн боловч тэр эхний тоглолтонд тоглож амжаагүй, Харин багийн гол тулгуур болсон МакКензи Мүүр эхний тоглолтонд оролцож бэртэл авсанаар тэд 3 тоглолтонд 1 импорт тоглогчтой тоглосон.
Тэгвэл Завхан Бродерс багт нэг сайн мэдээ байгаа нь Маккензи Мүүр өнөөдрийн тоглолтонд оролцох төлөвтэй байна.
Завхан Бродерс багийн шилдэг найруулагч Мүүр болон шилдэг оноо түүгч Өрли нарын хослолыг бид өнөөдөр талбайд харж магадгүй.
Тоглолтын өмнөх мэдээллээр бол тоглолтонд оролцох төлөвтэй байна.
