Монгол улсын The MongolZ баг BLAST Open Rotterdam 2026 тэмцээнд амжилттай оролцож плэй-оффын тоглолтод оролцохоор Нидерланд улсын Роттердам хотыг зориод байна. 

The MongolZ баг Дани улсын нийслэл Копенхаген хотод тэмцээний хэсгийн тоглолтуудыг хийж 3:1 гэсэн амжилттай үзэгчдийн өмнө плэй-оффын тоглолтод оролцохоор Роттердам хот руу мордлоо. 

Тэд BLAST Open Rotterdam 2026 тэмцээнд “В” хэсэгт MOUZ, Vitality, Liquid болон Spirit багуудтай тус бүр гурван тоглолт хийлээ. Тэмцээний эхний тоглолтод MOUZ багтай таарсан. MOUZ баг The MongolZ багийн эсрэг сүүлийн таван тэмцээнд, арван тоглолтод нэг ч ялагдаагүй 10:0 гэсэн амжилттай байсан. Харин энэ тэмцээний эхний тоглолтод 1xBet-ийн албан ёсны түнш The MongolZ баг урт үргэлжилсэн хожигдлын цувралаа зогсоож 2:0 (Nuke map 13:11, Inferno map 13:3) гэсэн харьцаатай хариугаа авсан юм. 

Дараагийн тоглолт Vitality багтай тааран 0:2 (Mirage map 4:13, Overpass map 13:16) харьцаатай хожигдол хүлээсэн. Ингэснээр The MongolZ баг Lower Bracket-руу унан Liquid багийн эсрэг 2:0 (Anceint map 16:14, Mirage map 13:10) гэсэн харьцаатай хожил байгуулж, плэй-оффын сүүлийн эрхийн төлөө Орос улсын Spirit багтай тааран 2:0 харьцаатай (Nuke map 13:11, Overpass map 13:9) хожил байгуулснаар тэмцээний “В” хэсгийн гуравдугаар байраар дараагийн шатад шалгарлаа. 

Ингэснээр 1xBet-ийн албан ёсны түнш The MongolZ баг Роттердам хотод болох BLAST Open Rotterdam 2026 тэмцээний шилдэг зургаан багийн нэгээр шалгараад байна. Тэд “В” хэсгийн гуравдугаар байраар гаран хасагдах шатны эхний тоглолтоо “А” хэсгийн хоёрдугаар байраар гарсан баг болох Aurora багтай таарахаар болсон. Тэдний тоглолт гуравдугаар сарын 27-ны өдрийн баасан гарагт оройн 22:00 цагт тоглохоор боллоо.

Тус хоёр багийн сүүлийн тоглолт нь ESL Pro League Season 23 тэмцээнд хэсгийн тоглолтод тааран тоглосон. Тэр тоглолтод The MongolZ баг 2:0 харьцаатай ялалт байгуулсан. Энэ баасан гарагт болох хоёр багийн тоглолтын хожил байгуулсан багийг хагас шигшээд Vitality баг хүлээж байна.