DEREN 1:1 ERCHIM FC

12-р тойргийн хамгийн сонирхолтой тоглолт болох хүснэгтийн 1,2-р байрт бичигдэж байсан Дэрэн болон Эрчим клубийн хооронд болж өнгөрлөө.

Тоглолт эхлээд удалгүй ердөө 4’ Дэрэн клубийн Япон легионер энэ улирлын мэргэн буучийн жагсаалтыг тэргүүлж буй Ф.Ютаро гоол оруулж 1:0 болгов. Харин тоглолтын 29’ Эрчим клубийн Аргентин легионер Сантиногийн чөлөөт цохилтоос оруулсан бөмбөгийг Эрчим клубийн хагас хамгаалагч Г.Төгөлдөр гоёмсог мөргөж гоол оруулснаар эхний хагас 1:1 харьцаатай өндөрлөв.

Харин 2-р хагаст 2 баг аюултай боломжийг олон гаргаж байсан ч 2 багийн хаалгач нар сайн байснаар тоглолт 1:1 харьцаатай эвийн гэрээгээр өндөрлөлөө. Ингэснээр Дэрэн клуб 26 оноотой 2-т бичигдэж байгаа бол Эрчим клуб 25 оноотой 3-р байрт бичигдэж байна.

BISHRELT FC KHOROMKHON 2-1 KHOVD BRONCOS FC

Тоглолтын эхний үе 26’ Хоромхон клубийн довтлогч Наранболд гоол оруулснаар эхний хагас 1:0-р өндөрлөв. Харин 2-р хагас 84’ Оюунбаатарын дамжуулалтаар Манеш Курош мөргөж гоол оруулж 2:0 болгов.

Тоглолтын үндсэн цаг дуусахаас ердөө 1’ өмнө Ховдын хүлэгүүд клуб 11метрийн торгуулийн цохилтын эрх авч улмаар Юуга гоол оруулснаар 2:1 болгон ойртууллаа. Гэсэн ч тоглолт энэ үр дүнгээрээ өндөрлөж Бишрэлт Хоромхон клуб 19 дэх оноогоо авч 5-р байрт бичигдэж байна.

KHANGARID 5:1 TUV AZARGANUUD

Тоглолт эхлээд удаагүй 5’ Хангарьд клубийн К.Асано гоол оруулж 1:0 болгов. Гэсэн ч 16’ Төв азарганууд клубийн Мөнх-Эрдэнэ булангийн цохилт гүйцэтгэж улмаар Хангарьд клубийн хаалгач Ариунболд өөрийнхөө хаалганд санамсаргүй оруулснаар 1:1 болов. Улмаар тоглолтын 38’ эхний гоолын эзэн К.Асано ганган гоол оруулж 2:1 болгон дахин тэргүүллийг авав.

Эхний хагас дуусахтай зэрэгцэн Хангарьд клубийн хагас хамгаалагч Г.Гантогтох булангийн цохилтоос орж ирсэн бөмбөгийг мөргөж гоол оруулснаар 3:1 болгон эхний хагасыг өндөрлүүллээ. Харин 2-р хагасын 69’ Хангарьд клубийн довтлогч М.Юута гоол оруулж Хангарьд 4:1 болгов.

Түүний гоолоос ердөө 2’ дараа И.Тацүяа гоол оруулж энэхүү тоглолтын эцсийн цэгийг тавьж 5:1 харьцаатай Хангарьд клуб хожсоноор 22 дох оноогоо авч 4-р байрт бичигдэж байна.

SP FALCONS FC 2:0 BRERA ILCH FC

Тоглолтын 11’ СП Фалконс клубийн Андрейн дамжуулалтаар С.Отгонцагаан мөргөж гоол оруулж эхний хагас СП Фалконс клуб 1:0 харьцаатай тэргүүлж дуусгав.

Харин 2-р хагас 61’ Андрейн ганган дамжуулалтаар Н.Крушевац гоол оруулж энэхүү тоглолтод СП Фалконс клуб өрсөлдөгчөө 2:0 буулган авснаар 26 дах оноогоо авч хүснэгтийг тэргүүлж эхэллээ.

FC ULAANBAATAR 2:1 HUNTERS FC

Тоглолтын эхний хагас харилцан довтолгоотой тун сонирхолтой болж байсан ч гоол оролгүй 0:0 харьцаатай өндөрлөв. Харин 2-р хагас эхлээд 47’ Улаанбаатар клубийн довтлогч О.Мижиддорж булангийн цохилтоос орж ирсэн бөмбөгийг мөргөж гоол оруулснаар 1:0 болгов.

Улмаар тоглолтын 54’ Улаанбаатар клубийн Ц.Баасанжавын алсын цохилт шонгоос Хантерс клубийн хаалгач Б.Мөнхболдод ойж орсноор тоглолтыг 2:0 болгон Улаанбаатар клуб тэргүүлж эхлэв. Харин тоглолтын 77’ Хантерс клубийн Н.Тамүра гоол оруулж 2:1 болгон ойртуулав.

Гэсэн ч үлдсэн хугацаанд 2 баг гоол оруулж чадсангүй Улаанбаатар клуб 19 дэх оноогоо авч хүснэгтийн 6-р байрт бичигдэж байна.

Зургийн эх сурвалж: Mongolian Premier League