Аваргуудын лиг нь дан ганц том багуудын хоорондох тэмцээн биш бөгөөд тухайн багуудын ард үргэлж дэмжиж байдаг жинхэнэ галзуу фанатуудын хувьд ч маш том ач холбогдолтой юм.

Хөлбөмбөгийн талбай дээр тамирчид бүхий л ур чадвар, сэтгэл зүй, хөлсөө дуслуулан тэмцдэг бол фанатуудын хувьд тэднээс дутхааргүй сэтгэл зүйн тэмцэл дунд багаа дэмждэг. Учир нь энэхүү спортын онцлог бол хожсон баг нь үлэмж хэмжээний ялалтын үнэ цэнийг мэдэрдэг бол хожигдсон баг нь сэтгэл зүйн том цохилтод ордог.

Жинхэнэ галзуу фанатууд гэж хэн бэ?

Тэд бол тоглолтын үеэр ч, тоглолтын бус үед ч гэсэн бүхий л сэтгэл зүрхээ багтаа зориулж чаддаг хүмүүс. Ялалтын баяр баяслыг багийнхантайгаа хамт мэдэрч, ялагдлын гашууныг ч өөрсддөө хүлээн авч чаддаг ба үнэнч байдал, тэвчээр, итгэлийн илэрхийлэл юм.

Жинхэнэ галзуу фанатын гол онцлог нь:

Тэднийг нэгтгэж байгаа гол зүйл бол хөлбөмбөгт хайртай сэтгэл ба нас, хүйс, арьс өнгө, шашин шүтлэг хамаарахгүйгээр нэгдэж чаддаг.

Тоглолтоос тоглолт руу сэтгэл зүйгээр амьдардаг, багаа хожиход тэнгэрт гарч, ялагдахад бүх зүйл нурсан мэт болдог.

Галзуу фанатуудын зан төлөв заримдаа энгийн хүний ойлгож барамгүй байдаг. Тоглолтын дараа уйлж байгаа хүн, багаа дэмжихийн тулд хэдэн мянган км замыг туулж буй хүмүүс, эсвэл багийнхаа лого, өнгөөр бүхэл гэрээ чимдэг.

Тэдний энэхүү хүчтэй сэтгэл хөдлөл нь заримдаа эсрэг тэсрэг хариу үйлдэл дагуулж ч мэднэ: баяр хөөр, бухимдал, хүлээлт, урам хугаралт гэх мэт. Гэхдээ энэ бол спортын гоо сайхны нэг хэсэг юм. Ямар ч зохиомол өгүүллээс илүү үнэн, бодит, гүн утгатай.

Нийгэм дэх галзуу фанатуудын эерэг дүр төрх

Өнөөдөр галзуу фанатууд зөвхөн багийнхаа тоглолтыг харахаас гадна сайн үйлсийн аянд оролцож, нийгмийн хандлагыг эерэгээр өөрчлөхөд хувь нэмрээ оруулдаг. Фанатуудын нэгдэл нь хандивын аян, орон нутгийн үйл ажиллагаа, залуу үеийг спортод уриалах санаачилга зэрэг олон эерэг үр нөлөө авчирч байна.

Аваргуудын лиг бол зөвхөн аваргуудын тэмцээн биш. Энэ бол дэлхийн өнцөг булан бүрээс ирсэн янз бүрийн гарал үүсэлтэй хүмүүсийг нэгтгэж, зүрх сэтгэлдээ нэгэн зорилготой болдог агуу тэмцээн юм. Жинхэнэ галзуу фанатууд бол энэ лигийн сүнс, халуун цус, цохилох зүрх нь юм.

Хөлбөмбөгийн гоо сайхан нь бөмбөгөнд бус, түүнийг дэмжиж буй сая сая зүрхэнд оршдог.

Спортыг дэмжигч - Heineken MN

"Жинхэнэ галзуу фанатуудын төлөө"