А.Ананд : "Мэдээж маш гоё байна. Манай багийн гишүүд хүндэтгэх шалтгаанаар ирж амжсангүй. Эрхэм хүндтэй шагналыг авсандаа баяртай байна. Бидний энэ жил амжилт Азийн аварга шалгаруулах тэмцээнээс эхэлсэн. Мөн мэргэжлийн тэмцээнүүд, дэлхийн гранпри тэмцээнүүдэд маш амжилттай оролцсон. Цаашдын том тэмцээнүүд олимпын эрхийн тэмцээнүүд байна. " Бөртэ-Чоно 2023 наадмын оны шилдэг багаар 3х3 сагсан бөмбөгийн Азийн аварга шалгаруулах тэмцээний аварга, "Шанхай Их Дуулга" тэмцээний аварга, “FIBA Ulaanbaatar Challenger” тэмцээний мөнгөн медаль, "FIBA Suntory Shanghai Challenger" тэмцээний мөнгөн медаль, "FIBA Wuxi Challenger" тэмцээний мөнгөн медаль, "FIBA Ulaanbaatar Super Quest" тэмцээний хүрэл медаль хүртсэн амжилтаар тодорлоо.