Хойд Америкийн мэргэжлийн спортын дээд лигийн тамирчид хамгийн өндөр дүнтэй гэрээг үзэглэж, дэлхийн шилдэг тамирчдыг цуглуулдгаараа онцлогтой. NBA болон NFL-ийн 2023 оны улиралд 50 сая доллароос дээш цалинтай найман тоглогч байгааг онцолж байна. 

МЛБ-ын Лос Анжелес Доджерс багтай шинэ гэрээ байгуулсан супер од Шохэй Охтани ирэх жил дунджаар 70 сая ам.долларын авах боломжтой болсон нь 2024 онд бүх тамирчдыг тэргүүлэх боломжтой. Мөн Саудын Арабын хөлбөмбөгийн дээд лиг одуудыг авчрахын тулд хамгийн өндөр гэрээ санал болгож байгаа нь жил ирэх тусам нэмэгдэж байна. Иймд тэдгээр тоглогчдыг энэхүү жагсаалтад оруулсангүй. Зөвхөн Хойд Америкийн мэргэжлийн лигийн хамгийн өндөр цалинтай тоглогчдыг танилцуулъя.

Брэдли Бийл /Финикс Санс /

Жилийн дундаж цалин: 50.2 сая доллар

Брэдли Бийл карьерынхаа эхний 11 жилд Вашингтон Визардс багт өнгөрөөж, энэ улиралд Финикс Санс багт нэгдсэн билээ. 2022 оны 7-р сард таван жилийн 251 сая долларын гэрээг байгуулсан ба өдгөө жилд дунджаар 50.2 сая долларын цалинтай тоглож байна. 

Жэйлен Хөртс /Филадельфиа Ийглс/

Жилийн дундаж орлого: 51 сая доллар

NFL-ийн цалингийн дээд хязгаарын дүрмийн дагуу түүний гэрээ нь хамгийн өндөр цалинтай тамирчдын тоонд зүй ёсоор орж байна. Түүний гэрээ 2024 он хүртэл хүчинтэй.  2021 онд Филадельфиа Ийглсийн гарааны тоглогч болсноосоо хойш супер одын хэмжээнд хүртэл хөгжсөн. Жэйлен Хөртс таван жилийн 255 сая доллароор гэрээгээ сунгасан н NFL-ийн жилийн хамгийн өндөр цалингуудын нэгээр тодроод байна. 

Ламар Жэйксон /Балтимор Равенс/

Жилийн дундаж цалин: 52 сая доллар

Жэксон Балтимор Равенс багтай таван жилийн 260 сая долларын гэрээ байгуулсан нь энэ жил хамгийн өндөр цалин авч буй тоглогчдод ороход хангалтай өндөр дүн юм. Балтимор баг Жэйксоны хамтаар таван улирал дараалан плэй оффт шалгарсан амжилттай яваа. Мөн Ламар Жэйксон 2019 онд лигийн MVP шагналыг хүртээд амжсан. Түүний гэрээ 2027 он хүртэл үргэлжилнэ. 

Жастин Херберт /Лос Анжелес Чэйржерс/

Жилийн дундаж орлого: 52.5 сая доллар

Херберт Лос Анжелес Чэйржерс багтай 262.5 сая долларын гэрээ байгуулсан. 2020 онд АП агентлагийн оны шилдэг шинэ тоглогч болсон Херберт нь NFL-ийн хамгийн ур чадвартай хамгаалагчдын тоонд зүй ёсоор тооцогдоно. Өнөөг хүртэл дорвитой амжилт үзүүлж амжаагүй Чэйржерс баг ирээдүйгээ Жастин Хербертэд бүрэн даатгасан гэхэд хилсдэхгүй. 

Жоел Эмбийд /Филадельфиа 76ерс/

Жилийн дундаж цалин: 53.3 сая доллар

Анх Филидельфиа баг 2017 онд Эмбийдтэй таван жилийн 147.7 сая долларын гэрээ байгуулсан ч тэр улиралдаа 31 тоглолтод оролцсон ба ихэнх хүмүүс үүнийг буруу гэрээ байж ээ хэмээн үзэж байсан. Гэвч тэр цагаас хойш бүх Жоел Эмбийд NBA-ын таван удаагийн бүх одод, гурван удаа бүх хамгаалалтын нэгдүгээр багт сонгогдож, өнгөрсөн жил улирлын Шилдэг тоглогчийн шагналыг хүртсэн билээ. 2021-2022 оны улирлын өмнө Эмбийд гэрээ сунгах хүсэлтэй байгаагаа илэрхийлж, дөрвөн жилийн 213.2 сая ам.долларын супермакс гэрээ байгуулсан юм. 

Стефен Көрри /Голден Стэйт Уарриорс/

Жилийн дундаж цалин: 53.8 сая доллар

Голден Стэйт Уарриорс багийн хамгийн үнэ цэнтэй гэрээ Стефен Көрритэй 2013-2017 оны хооронд дөрвөн жилийн 44 сая долларын гэрээ байгуулсан явдал юм. Энэхүү хямд гэрээний ачаар 2016 онд Кевин Дурантыг нэмэх санхүүгийн орон зайг үүсгэхэд гол үүрэг гүйцэтгэсэн. Көрри 2022 оны зун дөрөв дэх аваргаа авсны дараа дөрвөн жилийн 215.4 сая долларын макс гэрээ багтайгаа байгуулсан нь ийнхүү энэ жилийн хамгийн өндөр цалинтай тамирчнаар тодроход нөлөөлж байна. 

Жое Барроу /Цинциннати Бенгалс/

Жилийн дундаж цалин: 55 сая доллар

2020 оны драфтын эхний сонголт болох Барроу Цинциннати Бенгалс багт хурдан хугацаанд уусаж, Супербоулын өрсөлдөгч баг болгож чадсан. Бенгалс 2022 онд AFC аварга шалгаруулах тэмцээнд оролцоход том нөлөө үзүүлсэн Барроу NFL дүрмийн дагуу 219 сая долларын баталгаатай таван жилийн 275 сая долларын гэрээ байгуулж лигийн түүхэн дэх хамгийн өндөр цалинг авч байна. Энэ жил бэртэл гэмтлийн улмаас талбайд гарахгүй байгаа Барроу 2024 онд хамгийн нэр хүндтэй хамгаалагчдын нэг хэвээрээ эргэн ирэх болно хэмээн мэдэгдэж байжээ. 

Никола Йокич /Денвер Наггетс/

Жилийн дундаж цалин: 55.2 сая доллар

2014 онд Денвер Наггетс багт хоёрдугаар тойргоор сонгогдсон тэрбээр дараа жил нь анхны тоглолтоо хийж, олон талт тоглогч гэдгээ маш хурдан батлан харуулсан. 2018 онд Йокич таван жилийн хугацаатай 147.7 сая долларын гэрээг сунгасан ба тэр хугацаандаа таван удаагийн бүх одод тоглогч, хоёр удаагийн МВП, нэг удаагийн финалын МВП, мөн өнгөрсөн жилийн аварга цолыг багтаа авчирсан. Мөн тус хугацаанд 23.5 оноо, 11.4 самбар, 8.0 оновчтой дамжуулалт дунджилж байжээ. Энэ зун Никола Йокич дараагийн таван улирлын турш Денвер Наггетсын төлөө тоглохдоо 276.2 сая долларын цалинтайгаар тоглохоор тохиролцож, НБА-ын түүхэнд хамгийн өндөр дүнтэй гэрээгээр тодроод байна.