Монголын үндэсний олимпын хорооноос жил бүр спортын шилдгүүдийг тодруулдаг “Бөртэ Чоно-2023” шагнал гардуулах ёслолын ажиллагаа өчигдөр буюу 12-р сарын 18-ны 18:00 цагаас Корпорэйт зочид буудалд амжилттай зохиогдлоо. Тус ёслолын ажиллагаанд нийт 15 төрөлд шилдгүүдээ тодрууллаа. 2023 оны шилдгийн шилдэг тамирчин, шилжин явах цомын эзнээр “Ханжоу 2022” Азийн зуны спортын XIX наадмын аварга, "Парис 2024" Олимпын наадамд оролцох эрх хүртсэн, Гавьяатуудын нэрэмжит олон улсын тэмцээний хүрэл медаль хүртсэн зэрэг амжилттай Баатархуягийн Отгонболд шалгарлаа. Тэрбээр спортын сэтгүүлчдээс нийт 58 оноо хүртэж шилжин явах цомыг спортын шилдгүүдийн өмнө өргөлөө. 

Шилдгийн шилдэг эмэгтэй тамирчин Д.Отгонжаргал

Гаргасан амжилтууд: Дэлхийн аварга шалгаруулах тэмцээний мөнгөн медаль, "Парис 2024" Олимпын наадамд оролцох эрх хүртсэн ба дэлхийн чансааны дөрөвдүгээрт эрэмбэлэгддэг Унгарын Гран При тэмцээнд хүрэл медаль хүртсэн амжилттай. Мөн тэрбээр спортын сэтгүүлчдээс 55 оноо хүртэж, энэ оны шилдгийн шилдэг эмэгтэй тамирчнаар шалгарлаа. 

Шилдэг эрэгтэй тамирчин Ё.Басхүү

Гаргасан амжилтууд: “Ханжоу 2022” Азийн зуны спортын наадмын мөнгөн медаль, Дэлхийн аварга шалгаруулах тэмцээний хүрэл медаль, "Улаанбаатар их дуулга 2023" алтан медаль, "Тбилиси их дуулга 2023" мөнгөн медаль, "Токио их дуулга 2023" мөнгөн медаль хүртсэн амжилттай. Спортын сэтгүүлчдийн санал хураалтаас нийт 48 оноо хүртэж шилдэг эрэгтэй тамирчнаар шалгарлаа. 

Шилдэг эмэгтэй тамирчин Э.Дэлгэрмаа

Гаргасан амжилтууд: Дэлхийн аварга шалгаруулах тэмцээнээс мөнгөн медаль, "Ханжоу 2022" Азийн наадмаас хүрэл медаль, Дэлхийн чансааны тэмцээнээс хүрэл медаль, "Парис 2024" Олимпын наадамд оролцох эрхээ хүртсэн амжилт үзүүлсэн билээ. 

Шилдэг эрэгтэй тамирчин С.Жамбалжамц

Гаргасан амжилтууд: Дугуйн спортын төрөлд Азийн наадмаас анх удаа медаль хүртсэн буюу “Ханжоу 2022” Азийн зуны спортын наадмын хүрэл медаль, Азийн аварга шалгаруулах тэмцээний хүрэл медаль, Испани улсын "BURGOS BH" мэргэжлийн багтай гэрээ байгуулсан, Парис 2024 Олимпын наадамд оролцох эрхээ хүртсэн байна. 

Эмэгтэй шилдэг тамирчин Л.Алтанцэцэг

Гаргасан амжилтууд: Дэлхийн аварга шалгаруулах тэмцээнээс мөнгөн медаль хүртсэн амжилтаар Монголын спортын сэтгүүлчдээс 21 оноо хүртэж, энэ оны шилдэг эмэгтэй тамирчнаас шалгарлаа. 

Шилдэг баг: 3х3 сагсанбөмбөгийн Үндэсний шигшээ баг

Гаргасан амжилтууд: Азийн аварга шалгаруулах тэмцээний аварга, "Шанхай Их Дуулга" тэмцээний аварга, “FIBA Ulaanbaatar Challenger” тэмцээний мөнгөн медаль, "FIBA Suntory Shanghai Challenger" тэмцээний мөнгөн медаль, "FIBA Wuxi Challenger" тэмцээний мөнгөн медаль, "FIBA Ulaanbaatar Super Quest" тэмцээний хүрэл медаль хүртсэн амжилтаар энэ оны шилдэг эрэгтэй багаар тодорлоо. 

Паралимпын шилдэг тамирчин Г.Болор-Эрдэнэ

Гаргасан амжилтууд: Дэлхийн паратаеквондогийн дэлхийн аварга шалгаруулах тэмцээний хүрэл медаль, "Ханжоу 2022" Пара Азийн наадмын аварга, 2023-2024 оны Пара Гран При тэмцээнээс 2 алт 2 мөнгө тус тус хүртсэн амжилтаар Ганболдын Болор-Эрдэнэ энэ оны шилдгээр тодорч байна. 

Шилдэг залуу тамирчин: О. Энхсайхан

Гаргасан амжилтууд: "Улаанбаатар 2023" Зүүн Азийн Залуучуудын наадмын аварга, Залуучуудын улсын аварга, Казахстан улсын Шымкент хотод зохиогдсон Залуучуудын олон улсын тэмцээний аварга болсон амжилтаар энэ жил 18 настай О.Энхсайхан тодорч байна. 

Энэ оны шилдэг дасгалжуулагч: А.Мэргэн

Монголын хоккейн шигшээ багийн ахлах дасгалжуулагч Арслангийн Мэргэн

Шилдэг Дасгалжуулагч: Т. Сүхбаатар /Чөлөөт бөх/

Мөн бусад оны шилдэгүүдийг танилцуулж байна.

Шилдэг шүүгч: Ө.Батцэцэг /Хөлбөмбөгийн ОУ-ын шүүгч/

Шилдэг шүүгч: Б.Алтангадас /Чөлөөт бөхийн ОУ-ын шүүгч/

Шилдэг холбоо: Жүдо бөхийн холбоо

Олимпын төрлийн шилдэг холбоо: Монголын гимнастикийн холбоо

Шилдэг спортын холбоо: Крикетийн холбоо 

Оны онцлох Бөртэ Чоно: Зүүн Азийн залуучуудын наадам зохион байгуулагч

Шилдэг Олимпын зөвлөл: Төв аймгийн Сөүл Олимпын зөвлөл

Шилдэг Олимпын зүтгэлтэн: Кавочи Широ -Япон улсын иргэн 

Шилдэг спортын сэтгүүлч: О.Сонинбаяр /МҮОНРТ/ 

Шилдэг бүтээн байгуулалт: Хөлбөмбөгийн холбооний ЭЙр Дом төсөл битүү хучилттай талбай. Төв аймгийн зуун мод 

Шилдэг ивээн тэтгэгч байгууллага: И-Март, 361 брэнд