EASL буюу EAST ASIA SUPER LEAGUE 2025-26 Азийн шилдэг лигүүдийн аварга багуудын хооронд болдог томоохон лигүүдийн нэг юм. Энэ улирлын хувьд 12 баг 7-н улсыг төлөөлж өрсөлдөх юм байна. Энэхүү лигт Монгол улсыг төлөөлөн “Хасын Хүлгүүд” баг оролцох болсон юм.

Хасын Хүлгүүд баг нь “С” хэсэгт БНСУ-ын Changwon LG Sakers, Тайваний New Taipei kings, Японы Alvark Tokyo багуудтай нэг хэсэгт орлоо. 

Хүлэгүүд багийн тоглолтын хуваарь:

2025.10.08-ны өдөр Alvark Tokyo багтай /зочин/

2025.11.01-ний өдөр New Taipei kings /эзэн/

2025.11.05-ны өдөр Changwon LG Sakers /эзэн/

2025.12.06-ны өдөр New Taipei kings /зочин/

2025.12.09-ний өдөр Changwon LG Sakers /зочин/

2026.02.11-ний өдөр Alvark Tokyo багтай /эзэн/

“С” хэсэг Хасын Хүлэгүүд багтай нэг хэсэгт орсон багуудын дэлгэрэнгүй мэдээллийг танилцуулъя.

Changwon LG Sakers:

Changwon LG Sakers нь Өмнөд Солонгосын Кёнсан аймгийн Чанвон хотод байрладаг мэргэжлийн сагсан бөмбөгийн баг юм. Changwon LG Sakers баг нь Солонгосын сагсан бөмбөгийн лигт (KBL) тоглодог бөгөөд 2024-25 оны улиралдаа KBL- н финалд Soul SK Knights 4:3-аар хожсоноор анхны KBL аваргын цомыг хүртсэн. EASL-д анх удаа оролцож байгаа бөгөөд Солонгосчууд өндөр амжилт тавиад байгаа юм.

Багийн ерөнхий дасгалжуулагчаар Cho Sang-hyun юм. Тэрээр бас Солонгос улсын мэргэжлийн тамирчин байсан бөгөөд 2013 оноос хойш дасгалжуулагчийн карьераа эхлүүлж, 2022 оноос хойш Changwon LG Sakers багийг дасгалжуулсан юм.

Changwon LG Sakers багийн ахлагч Heo Il-young нь 39 настай KBL-н мэргэжлийн тамирчин юм. 2009 оноос эхлэн KBL-д тоглосон тэрээр багтайгаа хамт өнгөрсөн улирлын аварга болохдоо финалын үнэ цэнтэй тоглогч болсон.

Changwon LG Sakers багт Assem Marei, Carl Tamayo, Darryl Monroe зэрэг туршлага, ур чадвартай гадаад легионер тоглогчид байхаас гадна. Yang Jun-seok, Yu Ki-sang зэрэг залуу ур чадвартай тамирчид байгаа юм.

New Taipei Kings:

New Taipei Kings баг нь Нью Тайбэй хотод байрладаг Тайваний мэргэжлийн сагсан бөмбөгийн баг юм. New Taipei Kings баг нь Тайван улсын мэргэжлийн сагсан бөмбөгийн лигүүд  P. League (PLG), TPBL (Taiwan Professional Basketball League) зэрэг тоглодог мөн

BCL Asia, EASL зэрэг Ази тивийн лигүүдийн томоохон нэх бүхий баг юм. Хэдий залуу түүхтэй баг ч Тайван улсынхаа PLG, TPBL гэх лигүүддээ аваргалж, EASL-д өнгөрсөн 2024-25 оны улиралд Final Four-д багтаж 3-р байранд орсон юм. Энэ жил тэдний энэ тэмцээнд орж буй 3 дахь жил нь болж байна.

АНУ-ын иргэншилтэй дасгалжуулагч John Patrick нь  энэ жилээс эхлэн New Taipei Kings багийн ерөнхий дасгалжуулагчаар ажиллахаар болсон байна. John Patrick дасгалжуулагч нь Герман, Япон, Чех зэрэг улсын лигүүдийн багийг дасгалжуулж олон амжилт үзүүлж байсан туршлагатай тэрээр энэ жилийн EASL-с эхлэн New Taipei Kings багийн дасгалжуулах юм.

New Taipei Kings багийн хамгийн том нэр багийн шилдэг тоглогч бол Jeremy Lin юм.

Jeremy Lin-н  NBA-н аварга, Тайвааний TPBL-н аварга (2024-2025),  TPBL-н финалын үнэ цэнтэй тоглогч (2024-2025), TPBL-н Clutch Play of the Year, TPBL-н All-Defensive First Team зэрэг Тайван улсын шилдэг тоглогч юм.

Мөн Jeremy Lin-н дүү болох Joseph Lin нь New Taipei Kings багт хамт тоглодог юм.

Joseph Lin хувьд 2023 оноос хойш энэ багтаа тоглож TPBL-н гурван удаагийн аварга болсон.

Мөн Jason Washburn, Chris Anthony Johnson, Michael Efevberha зэрэг гадаад легионер тоглогчдоос гадна Lee Kai‑Yan, Hung Chih‑Shan ,Kenny Manigault гэх Тайван улсын шилдэг бүрэлдэхүүнтэй залуу баг юм.

Alvark Tokyo

Alvark Tokyo баг нь Япон улсын хамгийн том мэргэжлийн лиг болох  JBL Super League 3-н удаа, B.League 2 удаагийн аварга ба FIBA Asia Champions Cup аварга болсон туршлагатай Азийн өндөр амжилттай байгаа багуудын нэг юм.

Alvark Tokyo багийн ерөнхий дасгалжуулагч Dainius Adomaitis нь Европын болон Израилын лигүүдэд дасгалжуулж байсан өдгөө 51 настай туршлагатай дасгалжуулагч юм.

Alvark Tokyo баг нь EASL-д анх оролцох гэж байгаа бөгөөд энэ багийн бүрэлдэхүүнд Sebastian Saiz, Ryan Rossiter, Leonardo Meindl, Kai Toews, Artūras Gudaitis, Steve Zack,         Zack Baranski, Shuto Ando зэрэг олон чадварлаг легионер тоглогчид болоод Shohei Kikuchi, Kohei Fukuzawa, Taiki Osakabe, Sota Okura, Gen Hiraiwa, Hiryu Okamoto гэх ур чадвартай, туршлагатай азийн шилдэг лигийн баг юм.