Монголын Волейболын холбооноос зохион байгуулагддаг Хобби Кап тэмцээн амжилттай үргэлжилж байна. Хобби Кап тэмцээн нь жил бүр уламжлал болон зохион байгуулагддаг бөгөөд энэ жилийн тэмцээн 3-р сарын 15-с эхэлж, 3-р сарын 20-нд ялагчаа тодруулна.

Тэмцээний эхний өдрийн тоглолтууд: 

Ижил Алтай Төгрөгийн Буян баг Хашхан Өвөрхангай багийг 4 ээлжийн тоглолтод 3:1 харьцаатай ялж, эхний хожлоо байгууллаа.

Эс Жи Хокс баг Энержи Мазаалай багийг 4 ээлжийн тоглолтод 3:1 харьцаатай ялж эхний хожлоо байгууллаа. Эс Жи Хокс багийн бүрэлдэхүүнд Натур Бакс багийн ахлагч Э.Энх-Амгалан, өнгөрсөн улирлын дээд лигт Эс Жи Хокс багтаа тоглож, энэ улиралд БНСУ-ын дээд лигт тоглосон Ж.Энх-Эрдэнэ нар нэгдсэн байна.

Khuvsgul Seven Stars баг Darkhan Moguls багийг таван ээлжийн гайхалтай тоглолтод 3:2 харьцаатай ялж, эхний хожлоо байгууллаа. Khuvsgul Seven Stars багийн бүрэлдэхүүнд дээд лигийн 2 удаагийн шилдэг давуулагч, 2 удаагийн шилдэг холбогч, багийн ахлагч Л.Хосбаяр эргэн нэгдсэн байна.

Тэмцээний эхний өдрийн сүүлийн тоглолтод энэ улирлын дээд лигийн аварга, Төв Миг Вулвс баг Мегастарс багийг 3 ээлжийн тоглолтод 3:0 харьцаатай ялж, эхний хожлоо байгууллаа.

Тэмцээний хоёр дахь өдийн тоглолтууд:

Энэ улирлын дээд лигийн дэд аварга, Алтайн Барс Хилчин баг энэ улирлын дээд лигт гуравдугаар байрт орсон Дархан Могулс багийг 3 ээлжийн тоглолтод 3:0 харьцаатай ялж, эхний хожлоо байгууллаа.

Энэ улирлын дээд лигийн дэд аварга Хобби Эйс баг Khuvsgul Seven Stars багийг 5 ээлжийн гал гарсан тоглолтод 3:2 харьцаатай ялж, эхний хожлоо байгууллаа. Харин Khuvsgul Seven Stars баг 1-1 амжилттай тэмцээнээ үргэлжлүүлж байна.

Эс Жи Хокс баг Натур Бакс багийг 4 ээлжийн тоглолтод 3:1 харьцаатай ялж, тэмцээний 2 дох хожлоо авч чадлаа. 

Дархан Могулс баг Хашхан Өвөрхангай багийг 4 ээлжийн тоглолтод 3:1 харьцаатай ялж, тэмцээний эхний хожлоо авч чадлаа. Тэд тэмцээнийг 1-1 амжилттай үргэлжлүүлж байгаа бол Хашхан Өвөрхангай баг 0-2 амжилттай үргэлжлүүлж байна.

Гэрэл зургийг: Монголын Волейболын Холбоо